Heilsan okkar: Árangur í krabbameinsmeðferð – hvað getum við bætt?

Heilsan okkar: Árangur í krabbameinsmeðferð – hvað getum við bætt?

Fundur marsmánaðar í fundaröðinni Heilsan okkar fer fram í Veröld – húsi Vigdísar föstudaginn 27. mars kl. 11:30-13:00

Umsjón og ritstjórn: Jóhanna E. Torfadóttir, lektor við Miðstöð í lýðheilsuvísindum
Fundarstjóri: Þórarinn Guðjónsson, prófessor við Læknadeild

Hlekkur á beint streymi: https://vimeo.com/event/5802361

Á Íslandi greinist þriðji hver einstaklingur með krabbamein einhvern tímann á lífsleiðinni. Horfur þeirra sem greinast hafa þó batnað mikið frá því að skráningar krabbameina hófust. Markmið fundarins er að greina frá helstu nýjungum í rannsóknum á krabbameinsmeðferð og á lífsgæðum þeirra sem greinst hafa með krabbamein.

Dagskrá

• Sigríður Gunnarsdóttir prófessor í krabbameinshjúkrun við Háskóla Íslands, forstöðumaður fræðasviðs í krabbameinshjúkrun á Landspítala og forstöðumaður Rannsóknaseturs-Krabbameinsskrár hjá Krabbameinsfélagi Íslands – Lífsgæði og heilbrigðisþarfir eftir greiningu krabbameins, ný þekking til að þróa einstaklingshæfða þjónustu á Íslandi

• Sigurdís Haraldsdóttir, krabbameinslæknir, yfirlæknir og dósent við Læknadeild HÍ – Nýjungar í meðferð og mikilvægi hreyfingar hjá einstaklingum sem hafa greinst með krabbamein

• Helga Tryggvadóttir, krabbameinslæknir – Meðferðarferlar og eftirfylgd brjóstakrabbameins á Brjóstamiðstöð á Landspítala

• Nanna Friðriksdóttir sérfræðingur í hjúkrun sjúklinga með krabbamein á Landspítala og aðjúnkt við Háskóla Íslands – Krabbameinsgáttin stafræn heilbrigðisþjónusta sem styður við einstaklingshæfða meðferð

• Vigdís Hallgrímsdóttir framkvæmdastjóri krabbameinsþjónustu á Landspítala – Stofnun og vottun Krabbameinsmiðstöðvar á Íslandi

• Pallborðsumræður

Heilsan okkar er fundaröð Háskóla Íslands og Landspítala sem hefur það að markmiði að varpa ljósi á áríðandi mál líðandi stundar er varða heilsu og heilbrigðisþjónustu. Þessir mánaðarlegu upplýsingafundir eru öllum opnir og verða á dagskrá síðasta föstudag hvers mánaðar.