Þorbjörg Einarsdóttir, líffræðingur við Tilraunastöð Háskóla Íslands í meinafræði að Keldum
Rannsóknir vísindamanna við Háskóla Íslands styðja á ýmsan hátt við vöxt og viðhald atvinnugreina í landinu, bæði nýrra og þeirra eldri. Á Tilrauna- stöð Háskóla Íslands í meinafræði að Keldum er t.d. unnið ötullega í þágu landbúnaðar og sjávar útvegs með rannsóknum á dýrasjúkdómum og þróun bóluefna. Þannig var mikil þörf sauðfjár- bænda fyrir ný og bætt bóluefni gegn lungna- sjúkdómum í sauðfé kveikjan að rannsókn sem Þorbjörg Einarsdóttir, líffræðingur á Keldum, vinnur nú að ásamt Sigríði Hjartardóttur líffræðingi.
Sigríður Hjartardóttir og Þorbjörg Einarsdóttir
„Verkefnið snýst um að þróa bóluefni gegn tveimur alvarlegum lungnasjúkdómum í sauðfé – kregðu og lungnapest.“
„Verkefnið snýst um að þróa bóluefni gegn tveimur alvarlegum lungnasjúkdómum í sauðfé – kregðu og lungnapest. Bakterían Mycoplasma ovipneumoniae veldur kregðu, sem einkennist af lambahósta og vanþrifum, en svokallaðar pasteurellubakteríur valda lungnapest, sem er smitandi lungnabólga með drepi og brjóst- himnubólgu, en bakteríurnar geta einnig valdið bráðadauða í lömbum,“ segir Þorbjörg. Til er bóluefni gegn lungnapest en virkni þess er misgóð. Ekkert bóluefni er aftur á móti til gegn kregðu.
Þorbjörg segir þróun á tilraunabóluefni gegn sjúkdómunum langt komna. „Við stefnum á að bólusetja mýs og kindur með fyrsta tilraunabólu- efninu strax í upphafi árs 2015 til að kanna öryggi og virkni þess. Ef niðurstöðurnar lofa góðu verður farið út í stærri tilraunir en það er enn þá töluvert langt í að hægt sé að fara með bóluefni út til bænda til prófunar,“ segir Þorbjörg.
Miklu skiptir að vel takist til því sjúkdómarnir rýra mjög lífsgæði dýranna og valda bændum gífurlegu fjárhagstjóni árlega. „Ef bóluefnin reynast vel geta þau sparað bændum mikla fjár- muni auk þess sem þau geta minnkað sýklalyfja- notkun í sauðfé. Bóluefnakerfið er einnig mjög öflugt og það má aðlaga það fyrir önnur húsdýr og aðrar sýkingar,“ bendir Þorbjörg á að lokum.