Vísindamenn og doktorsnemar fá styrki úr Orkurannsóknasjóði Landsvirkjunar

Vísindamenn og doktorsnemar við Háskóla Íslands hlutu yfir helming þeirra styrkja sem veittir voru í ár úr Orkurannsóknasjóði Landsvirkjunar en úthlutun fór fram í liðinni viku. Verkefni þeirra eru m.a. á sviði jarðfræði, umhverfisverkfræði, umhverfis- og auðlindafræði og byggingarverkfræði. 

Markmið Orkurannsóknasjóðs er m.a. að efla rannsóknir á sviði umhverfis- og orkumála og hefur hann verið starfræktur í nær 20 ár. Fram kemur á vef Landsvirkjunar að við úthlutun styrkja í ár hafi sérstök áhersla verið á auðlindamat og bætta nýtingu auðlinda, viðhorf almennings og samfélagsábata orkuvinnslu og líffræðilega fjölbreytni og aðlögun að loftslagsbreytingum.

Alls voru 23 verkefni styrkt að þessu sinni á sviði jarðvísinda, náttúruvísinda, verkfræði og samfélagsmála, en umsóknir hafa aldrei verið fleiri, eða 137. Samanlögð upphæð styrkja nam 70 milljónum króna. 

Af styrkjunum 23 komu 14 í hlut vísindamanna eða doktorsnema við Háskóla Íslands og samstarfsfólks þeirra. Styrkþegarnir eru:

• Angel Ruiz-Angulo, prófessor við Jarðvísindadeild, fyrir verkefnið „ALERT: Askja Lake Environmental Real-Time Temperature (Part II)“
• Árni Björn Höskuldsson, nýdoktor við Iðnaðarverkfræði-, vélaverkfræði- og tölvunarfræðideild, til verkefnisins „Umhverfisleg hagkvæmni rafdrifins iðnaðar á tímum orkuskipta“
• Byron Fabian Pilicita Masabanda, doktorsnemi í jarðfræði, til verkefnisins Physical properties and chemical composition of high-temperature geothermal fluids in the contact zones of mafic and felsic intrusions in Iceland
• Edita Tverijonaite, rannsóknasérfræðingur við Land- og ferðamálafræðistofu HÍ, til verkefnisins „Integrating ‘place-technology fit’ into wind energy planning for a just energy transition“
• Elisa Johanna Piispa, rannsóknadósent við Jarðvísindastofnun, fyrir verkefnið „Magnetic mineralogy of Icelandic basalts: Implications for geophysical surveys in volcanic and geothermal areas“
• Ingibjörg Jónsdóttir, dósent við Jarðvísindadeild, til verkefnisins „High-resolution surface roughness database for Iceland“
• Iwona Galeczka, tæknimaður við Jarðvísindastofnun Háskólans, fyrir verkefnið „Advancing high-resolution CO₂ monitoring in natural waters using sensor technology (AQUA-CO₂)“
• Jonas Liebsch, doktorsnemi í jarðeðlisfræði, til verkefnisins From „Short-Term Variability to Long-Term Change: High-Resolution Quantification of Icelandic Glacier Evolution“
• Jón Geir Pétursson, prófessor í umhverfis- og auðlindafræði, til verkefnisins „Defining factors for securing local social accpetance of renewable energy options in Iceland“
• Lingxue Guan, doktorsnemi í umhverfisverkfræði, til verkefnisins „Life Cycle Assessment of the Portable Hybrid Direct Air Capture (DAC)-Pressure Retarded Osmosis (PRO) Process under Different National Contexts“
• Mathis Blache, doktorsnemi í jarðvísindum,  til verkefnisins „Microplastics pollution in Icelandic lakes“
• Sigurður Erlingsson, prófessor við Umhverfis- og byggingarverkfræðideild, til verkefnisins „Seismic response of structures founded in or on liquefiable volcanic basalt sand“
• Stefanie Veronelli, meistaranemi í umhverfisverkfræði, til verkefnisins „Desorption of CO2 from Capture Solution by Membrane Contactor“
• Sunna Ólafsdóttir Wallevik, stofnandi og framkvæmdastjóri Gerosion, og Sigrún Nanna Karlsdóttir, stofnandi Gerosion og prófessor við Iðnaðarverkfræði-, vélaverkfræði- og tölvunarfræðideild fyrir verkefnið „Efnisrannsóknir jarðhitaborholufóðringa í tærandi jarðhitaumhverfi“