Kosningar 2026: Spurt að leikslokum

Félag stjórnmálafræðinga, í samstarfi við Stofnun stjórnsýslufræða og stjórnmála við Háskóla Íslands, standa fyrir hádegisfundi miðvikudaginn 20. maí kl. 12:00-13:00.  

Tekin verður staðan að loknum sveitarstjórnarkosningum og velt upp ýmsum spurningum, eins og:

• hverjar eru stóru línurnar í kosningunum á landsvísu? 
• hver vann og hver tapaði?
• hverjir kusu og hverja kusu þeir?
• hvað virkaði í kosningabaráttunum og hvað mistókst?

Þátttakendur eru:

Eva Marín Hlynsdóttir, prófessor í stjórnmálafræði við HÍ
Hafsteinn B. Einarsson, nýdoktor í stjórnmálafræði við HÍ
Bryndís Ísfold, stjórnmálafræðingur og aðjúnkt við Háskólann á Bifröst

Fundurinn hefst á stuttum inngangserindum og svo taka við pallborðsumræður og samtal við gesti. Fundurinn fer fram á íslensku og er öllum opinn!

 🗓️ Miðvikudagur, 20. maí, 2026
🕦 12:00-13:00
📍 Oddi 101, Háskóli Íslands