Deildin er opinber miðstöð menntunar og rannsókna á sviði hestamennsku, tamninga, reiðmennsku og reiðkennslu á Íslandi. Námið í Hestafræðideild er fjölbreytt að viðfangi og aðferðum þar sem bókleg og verkleg kennsla er samþætt, kennslan byggist á fyrirlestrum og lestri fagefnis. Í náminu er lögð mikil áhersla á verklega þjálfun í formi einkakennslu, hópkennslu og sýnikennslu.
Grunnnám
- Reiðmennska og reiðkennsla, BS
- Sérhæft íslenskt járningamannapróf, Örnám á grunnstigi
Framhaldsnám
Markmið Hestafræðideildar er að veita fagmenntun á sviði reiðmennsku, reiðkennslu, tamninga, og hestahalds og að vinna að þróun og nýsköpun þekkingar, á öllum sviðum er varða íslenska hestinn, með rannsóknum. Með þessum hætti verði stuðlað að aukinni arðsemi í atvinnugreininni, útbreiðslu hestamennskunnar og velferð hestanna.
Í meistaranám í hestafræðum við deildina er áherslan er á rannsóknarnám með sterkan fræðilegan bakgrunn.
- Hestafræði, MS
Hafðu samband
Þjónustuborð Háskóla Íslands á Hólum er staðsett í aðalbyggingu skólans á Hólum. Hægt er að senda fyrirspurnir varðandi nám og umsóknir á netfangið holar@hi.is.
- Sími +354 455 6300
Nemendur geta einnig nýtt sér þjónustuborð HÍ á Háskólatorgi.
