Til þess að umsókn teljist gild og komi til mats þurfa eftirfarandi gögn að berast með rafrænum hætti innan tilskilins umsóknarfrests:
a) Staðfest afrit prófskírteinis og námsferilsyfirlits með árángursröðun (e. ranking). Umsækjendur sem hafa lokið grunnnámi frá öðrum háskólum en Háskóla Íslands skulu skila staðfestu námsferilsyfirliti sem inniheldur upplýsingar um árangurstöðun (e. ranking) nemandans innan einstakra námskeiða, sé þess kostur að afla slíkra upplýsinga. Geti umsækjandi ekki aflað slíkra upplýsinga skal hann skila inn staðfestingu þess efnis frá viðkomandi skóla.
b) Greinargerð um fræðileg og fagleg áform í námi og starfi, þar sem skýrt kemur fram hvaða kjörsvið er sótt um. Í klínískri sálfræði þarf að taka fram hvort sótt er um barnalínu eða fullorðinslínu.
c) Ferilskrá þar sem náms- og starfsferill er rakinn.
d) Nöfn og samskiptaupplýsingar tveggja meðmælenda. Umsókn telst ekki gild nema að tvö meðmælabréf hafi borist með rafrænum hætti beint frá meðmælendum innan umsóknarfrests.
e) Nýtt sakarvottorð
Hafi öll tilskilin umsóknargögn ekki borist að liðnum umsóknarfesti verður umsókn ekki tekin til efnislegrar meðferðar og telst ógild.
- Meira um meðmælabréf: Heppilegt er að meðmælendur séu núverandi eða fyrrverandi kennarar í háskólanámi eða yfirmenn á vinnustað. Meðmælendur ættu ekki að vera fjölskyldumeðlimir eða nánir vinir umsækjanda.
- Meðmælendur þurfa að skila inn meðmælabréfi í .pdf formi með stuttu og hnitmiðuðu heiti á skjali. Eyðublað fyrir meðmælendur. Reference form. Einnig má skrifa hefðbundið meðmælabréf. Öll meðmælabréf eiga að berast á PDF formi með tölvupósti frá netfangi meðmælanda til umsokn@hi.is
