Doktorsvörn: Kristján Reykjalín Vigfússon

Kristján Reykjalín Vigfússon ver doktorsritgerð sína í viðskiptafræði við Viðskiptafræðideild HÍ.

Ritgerðin ber heitið Strategy Implementation in Icelandic Fisheries: Obstacles, key success factors and competitive advantages.

Innleiðing stefnu er mjög mikilvæg fyrir fyrirtæki og stofnanir þar sem markmiðið er að nýta auðlindir á hagkvæman hátt og skila rekstrarlegum árangri. Sjávarútvegur er umfangsmikil atvinnugrein á heimsvísu sem skapar fjölda starfa en yfir hálfur milljarður manna hefur lífsviðurværi sitt í atvinnugreininni með einum eða öðrum hætti. Afurðir frá sjávarútvegi sjá fólki fyrir næringu og er atvinnuvegurinn því mikilvægur hlekkur í að draga úr fátækt og að tryggja fæðuöryggi í heiminum. Doktorsritgerð þessi samanstendur af fjórum birtum fræðigreinum en í þeim eru velgengnisþættir og hindranir við innleiðingu stefnu sem og þróun samkeppnisforskots hjá stærstu fyrirtækjum í íslenskum sjávarútvegi rannsakaðir. Ritgerðin er sett í víðara samhengi stefnumótunar og veitir innsýn í sérstakar aðstæður atvinnugreinar sem og fræðileg grundvallaratriði við innleiðingu stefnu.

Vörnin fer fram á ensku og er öllum opin. Leiðbeinendur eru Lára Jóhannsdóttir prófessor og Snjólfur Ólafsson prófessor við Háskóla Íslands en einnig sát í doktorsnefnd Dr. Mehmet A. Köseoglu frá Metropolitan State Háskólanum í Minnesota.

Margrét Sigrún Sigurðardóttir deildarforseti Viðskiptafræðideildar stýrir athöfninni.