SAMTAL UM MENNTASTEFNU RÍKISINS TIL 2030

RannMennt – Rannsóknarstofa um menntastefnu, alþjóðavæðingu og félagslegt réttlæti efnir til málþings: SAMTAL UM MENNTASTEFNU RÍKISINS TIL 2030 föstudaginn 14. október kl. 11.

Markmiðið er að rýna í menntastefnu ríkisins til 2030. Berglind Rós Magnúsdóttir stýrir viðburðinum sem hefst á því að Hermína Gunnþórsdóttir, prófessor við HA og Ingólfur Ásgeir Jóhannesson, prófessor við HÍ kynna rýni sína á menntastefnunni og fyrstu aðgerðaáætlun hennar 2021-2024 sem mennta- og menningarmálaráðuneyti gaf út í september 2021. Að því loknu mun Steinunn Halldórsdóttir sérfræðingur hjá mennta- og barnamálaráðuneyti sem leiddi vinnu við aðgerðaáætlunina segja okkur frá ferlinu og Magnús Þór Jónsson formaður Kennarasambandsins mun að því loknu segja okkur hvernig stefnan blasir við KÍ og kennurum. Berglind Rós Magnúsdóttir, prófessor stýrir umræðum.

Dagskrá

11-11:25 - Rýnt í aðgerðaáætlun menntastefnu 2021–2024: Leitað að söguþræði

Hermína Gunnþórsdóttir, prófessor við HA og Ingólfur Ásgeir Jóhannesson, prófessor við HÍ

11:25-11.35 – Gerð fyrstu aðgerðaáætlunar á menntastefnu til 2030

Steinunn Halldórsdóttir, sérfræðingur hjá barna- og menntamálaráðuneyti

11:35-11.45 – Menntastefna og aðgerðaáætlun út frá sjónarhorni kennara

Magnús Þór Jónsson formaður KÍ

11:45-12:15 – Opnar umræður

Öll velkomin og aðgangur ókeypis.