6. júlí 2022
Nýir sviðs- og deildarforsetar taka við og deildir fá ný nöfn
![Nýir sviðs- og deildarforsetar taka við og deildir fá ný nöfn - á vefsíðu Háskóla Íslands](https://www.hi.is/sites/default/files/styles/efsta_mynd___fr_ttum/public/bgisla/deildarforsetar_1.jpg?itok=dK4GzLkZ)
Þrettán nýir deildarforsetar tóku til starfa við Háskóla Íslands 1. júlí auk þess sem nýr forseti Heilbrigðisvísindasviðs hefur tekið við. Um leið fá tvær deildir skólans ný nöfn.
Félagsvísindasvið
- Ólafur Rastrick tekur við sem deildarforseti Félagsfræði-, mannfræði- og þjóðfræðideildar af Jónínu Einarsdóttur.
- Hervör Alma Árnadóttir er nýr deildarforseti Félagsráðgjafardeildar og tekur við af Guðnýju Björk Eydal.
- Eva Marín Hlynsdóttir er nýr deildarforseti Stjórnmálafræðideildar og tekur við af Maximilian Conrad.
Heilbrigðisvísindasvið
- Unnur Þorsteinsdóttir er nýr forseti Heilbrigðisvísindasviðs en hún tekur við starfinu af Ingu Þórsdóttur.
- Helga Bragadóttir tekur við af Herdísi Sveinsdóttur sem forseti Hjúkrunarfræðideildar sem framvegis heitir Hjúkrunar- og ljósmóðurfræðideild.
- Ragnar Pétur Ólafsson tekur við af Urði Njarðvík sem forseti Sálfræðideildar.
Hugvísindasvið
- Gauti Kristmannsson tekur við sem forseti Íslensku- og menningardeildar af Torfa H. Tulinius.
- Sverrir Jakobsson tekur við sem deildarforseti Sagnfræði- og heimspekideildar af Steinunni J. Kristjánsdóttur en frá 1. júlí ber deildin nafnið Deild heimspeki, sagnfræði og fornleifafræði.
Menntavísindasvið
- Rannveig Björk Þorkelsdóttir er nýr forseti Deildar faggrreinakennslu en hún tekur við af Freyju Hreinsdóttur.
- Þórdís Lilja Gísladóttir er nýr deildarforseti Deildar heilsueflingar, íþrótta og tómstunda og tekur við af Ársæli Má Arnarssyni.
Verkfræði- og náttúruvísindasvið
- Andri Stefánsson er nýr forseti Jarðvísindadeildar og hann tekur við af Freysteini Sigmundssyni.
- Við Líf- og umhverfisvísindadeild tekur Snæbjörn Pálsson við sem deildarforseti af Önnu Dóru Sæþórsdóttur.
- Lotta María Ellingsen tekur við sem deildarforseti Rafmagns- og tölvuverkfræðideildar af Jóhannesi Rúnari Sveinssyni.
- Lára Jóhannsdóttir er nýr formaður þverfræðilegrar námsbrautar í umhverfis- og auðlindafræði.