Opinn fundur um innrásina í Úkraínu
![Opinn fundur um innrásina í Úkraínu - á vefsíðu Háskóla Íslands](https://www.hi.is/sites/default/files/styles/efsta_mynd___fr_ttum/public/bgisla/kri_askja_byggingar_200512_005.jpg?itok=KwEuTGet)
Alþjóðamálastofnun Háskóla Íslands, Stofnun stjórnsýslufræða og stjórnmála og Félag stjórnmálafræðinga standa fyrir opnum fundi um innrás Rússlands í Úkraínu og þær afleiðingar sem innrásin hefur fyrir öryggi í Evrópu. Fundurinn fer fram miðvikudaginn 2. mars kl. 12-13.15 í stofu 132 í Öskju, náttúrufræðahúsi Háskóla Íslands, en honum verður jafnframt streymt á Facebook-síðu Alþjóðamálastofnunar og vef og Facebook-síðu Háskóla Íslands.
Flemming Splidsboel Hansen, sérfræðingur hjá dönsku alþjóðamálastofnuninni (DIIS) með áherslu á Rússland, Úkraínu og Hvíta-Rússland, tekur þátt í fundinum gegnum fjarfundarbúnað. Í pallborði sitja Jón Ólafsson, prófessor í menningarfræði við Háskóla Íslands, Rósa Magnúsdóttir, prófessor í sagnfræði við sama skóla, Guðbjörg Ríkey Th. Hauksdóttir, doktorsnemi við HÍ, Andrei Menshenin blaðamaður auk Baldurs Þórhallssonar, prófessors í stjórnmálafræði við Háskóla Íslands, sem tekur einnig þátt í umræðum í gegnum fjarfundarbúnað.
Streymi frá fundinum
Öll velkomin meðan húsrúm leyfir.