Hugvísindaþing 2020 á netinu 18. og 19. september
![](https://www.hi.is/sites/default/files/styles/efsta_mynd___fr_ttum/public/stjori/bakgrunnsmyndir/KRI_adalbygging_170410_002cc.jpg?itok=q36_AAnk)
Hugvísindaþing verður haldið á netinu 18. og 19. september næstkomandi en því var frestað í mars síðastliðnum. Boðið verður upp á 22 málstofur um fjölbreytt viðfangsefni, þ.á m. konur og örnefni í fornsögum, samtöl við sýndarverur, íslenska vísindaskáldskaparmynd, hvítleikann í íslenskri samtímalist, annálaðan harðindakafla í Íslandssögunni, íslenska táknmálssamfélagið og sögur sem til þessa hafa rykfallið í handritageymslum.
Vegna kórónufaraldurs og samkomutakmarkana verður þingið haldið á netinu. Málstofur verða sendar út gegnum Facebook en vistaðar á YouTube-rás Hugvísindasviðs að þingi loknu. Gestir þingsins geta sent fyrirlesurum skriflegar spurningar og athugasemdir meðan á málstofu stendur og í nokkra stund að henni lokinni.
Dagskrá þingsins má finna á vef þess, hugvisindathing.hi.is