Námskeið og fyrirlestrar

Vinnuferli háskólanema
Þriðjudaginn 21. janúar, kl. 11:00 – 11:45 á Teams – Opnað fyrir skráningu 14. janúar
Fimmtudaginn 30. janúar, kl. 13:00 – 13:45 á Teams – Opnað  fyrir skráningu 23. janúar

Í þessum fyrirlestri verður farið yfir atriði sem styrkja nemendur í að tileinka sér skilvirk vinnubrögð, færni og þekkingu sem stuðla að ánægju og velgengni í námi við HÍ. Háskólanám byggir á skipulagi, aga og þrautseigju en líka á gleði, vellíðan og góðum tengslum. Það er gott veganesti að kynna sér í upphafi háskólanáms gagnleg atriði, skoða eigin vinnubrögð og vega og meta hvort hægt sé að gera gott betur.

Tímastjórnun – skipulag
Miðvikudaginn 22. janúar, kl. 13:00 – 13:45 á Teams – Opnað fyrir skráningu 15. janúar
Þriðjudaginn 4. mars, kl. 11:00 – 11:45 á Teams – Opnað fyrir skráningu 25. febrúar

Í þessum fyrirlestri verður farið yfir mikilvægi þess að hafa gott skipulag og tímastjórnun. 
Skipulag og góð tímastjórnun eru lykilþáttur að velgengni í háskólanámi. Farið verður yfir gerð tímaáætlana, áhrif tímaþjófa, ávinning af tímastjórnun og gefin gagnleg ráð varðandi skipulag.

Lestur og glósur
Þriðjudaginn 28. janúar, kl. 10:30 – 11:15 á Teams – Opnað fyrir skráningu 21. janúar

Í þessum fyrirlestri verður fjallað um lestur námsefnis, mikilvægi upprifjunar og leiðir til að lesa erfiðan texta. Einnig verður farið yfir ýmiskonar glósuaðferðir. 

Frá umsókn til atvinnu
Miðvikudaginn 5. febrúar, kl. 11:00 - 11:45 á Teams - Opnað fyrir skráningu 29. janúar
Nánar upplýsingar síðar.

Vellíðan í námi
Þriðjudaginn 11. febrúar, kl. 13:00 – 13:45 á Teams – Opnað fyrir skráningu 4. febrúar

Það að líða vel í námi er undirstaða þess að ganga vel í námi. Í þessum fyrirlestri verður fjallað um skilgreiningu á vellíðan, andlega heilsu og mikilvægi góðrar sjálfsmyndar og sjálfstrausts. Farið verður yfir leiðir til að auka og viðhalda vellíðan og hvernig við eflum sjálfstraust og trú á eigin getu.

Frestun
Fimmtudaginn 27. febrúar, kl. 14:00 – 14:45 á Teams – Opnað fyrir skráningu 20. febrúar

Farið verður yfir helstu atriði er tengjast frestun. Frestun (e. procrastination) er tilhneiging til að fresta því sem nauðsynlegt er að gera til að ná einhverju markmiði þ.e. að vinna ekki þau verkefni sem liggja fyrir. Frestun eða tilhneiging til hennar hefur mikil áhrif á nám háskólanema. Farið verður yfir helstu ástæður frestunnar, afleiðingar, réttlætingar og svo framvegis. Þá verður farið yfir hvernig vinna má gegn frestun. 

Prófundirbúningur og próftaka: 
Miðvikudaginn 2. apríl, kl. 14:00 – 14:45 á Teams – Opnað fyrir skráningu 26. mars

Þessi fyrirlestur fjallar um atriði sem styrkja nemendur í því að takast á við próf og prófatímabil á heilbrigðan hátt. Farið er yfir þætti sem snúa að persónulegum undirbúningi nemenda, atriði sem varða próftökuna sjálfa og hvað sé gott að hafa í huga varðandi mismunandi prófform og fjölbreytta próftöku. 

Námskeið er á mánudögum frá 28. október til 2. desember. Kl. 19:00 - 20:30 í Stapa 210.

Helstu efnisatriði

Núvituð samkennd í eigin garð er alþjóðlegt námskeið byggt á gagnreyndum aðferðum. Höfundar eru Dr. Kristin Neff og Dr. Christopher Germer. Námskeiðið felur í sér færniþjálfun í að mæta sjálfum sér á erfiðum augnablikum með mildi, umhyggju og skilningi.

Áhersla er lögð á að þjálfa samkennd í eigin garð með því að vinna með þrjá lykilþætti; núvitund, sameiginlega mennsku og góðvild í eigin garð. Núvitund hjálpar okkur að vera meðvituð um líðandi stund og að gangast við því sem er. Sameiginleg mennska hjálpar okkur að vakna til vitundar um hvernig við tengjumst öll og erum ekki ein, heldur öll á sama báti. Góðvild í eigin garð hjálpar okkur að mæta erfiðleikum og okkur sjálfum út frá því sem við raunverulega þurfum á að halda. Aukin vitund um þessa þrjá þætti og þjálfun þeirra styður við okkur á erfiðum stundum.

Öll getum við lært að sýna okkur samkennd og mildi. Samkennd í eigin garð er hugrökk afstaða, hún styður okkur í að bregðast við þeim erfiðleikum sem við ómeðvitað sköpum okkur sjálf, t.d. með neikvæðri sjálfsgagnrýni, með því að einangra okkur eða með því að festast í óhjálplegum aðferðum. Aukin samkennd í eigin garð veitir tilfinningalegan styrk og þol. Hún hjálpar okkur að viðurkenna og gangast við okkur sjálfum eins og við erum, hvetja okkur áfram með vinsemd, fyrirgefa okkur þegar þörf er á, tengjast öðrum af heilum hug og leyfa okkur að vera við sjálf.

Sífellt fleiri rannsóknaniðurstöður sýna sterk tengsl á milli samkenndar í eigin garð og vellíðunar, minni kvíða, þunglyndi og streitu ásamt því að efla heilbrigðar lífsvenjur og styrkja tengsl okkar við aðra.

​Eftir þátttöku á þessu námskeiði munt þú geta:

- Iðkað núvitaða samkennd í eigin garð í daglegu lífi.
- Hvatt þig áfram með góðvild í stað gagnrýni. 
- Höndlað erfiðar tilfinningar á mildari máta. 
- Umbreytt því hvernig þú nálgast erfið tengsl innra með þér.
- Tekist á við kulnun.
- Skilið vísindin á bak við samkennd í eigin garð.
- Notið lífsins og notið samveru við þig betur.

Við hverju má búast?

Námskeiðið felur í sér fjölbreytta þjálfun s.s. hugarþjálfun, hugleiðsluæfingar, fræðslu, skriflegar æfingar, umræður og heimaæfingar. Markmiðið er að þátttakendur upplifi samkennd í eigin garð og geti nýtt hana í daglegu lífi. Þetta er námskeið sem eykur tilfinningalæsi, tilfinningalegt þolgæði og styrk. Lagt er upp úr því að þjálfunin sé nærandi og ánægjuleg.

Námskeiðsgjald er 4000 kr.
Skráning fer einungis fram á Þjónustuborðinu, Háskólatorgi.

Við bjóðum upp á fyrirlestra um hagnýt vinnubrögð við skrif á lokaverkefni í grunnnámi. Farið er yfir gagnleg atriði svo sem samskipti við leiðbeinanda, skipulag og gefnar ábendingar um vinnuferlið.

Fyrirlestrar eru ýmist á staðnum eða á Teams. Um er að ræða eitt skipti í 2 klst. Í senn.

Námskeið vormisseris 2025 eru eftirfarandi

Fimmtud. 16. janúar kl. 13:00 - 15:00 - Á staðnum - skráning heftst 9. janúar

Miðvikud. 29. janúar kl. 10:00 - 12:00 - Á staðnum - skráning hefst 22. janúar

Þriðjud. 21. janúar kl. 10:00 - 12:00 - Teams - skráning hefst 14. janúar

Fimmtud. 30. janúar kl. 13:00 - 15:00 - Teams - skráning hefst 23. janúar

Miðvikud. 5. febrúar kl. 13:00 - 15:00 - Teams - skráning hefst 29. janúar

Sálfræðiþjónusta NHÍ býður námsmönnum skólans upp á fimm vikna sjálfstyrkingarnámskeið sem byggir á aðferðum hugrænnar atferlismeðferðar (HAM). Á námskeiðinu verða kenndar aðferðir til að rjúfa vítahring lágs sjálfsmats með því að vinna með óhjálplegar hugsanir (sjálfsgagnrýni) og óhjálplega hegðun (frestun, forðun og fullkomnunaráráttu). Við munum skoða gagnlegar leiðir til að takast á við lágt sjálfsmat og bæta þannig líðan okkar. Leiðbeinendur eru Hrafnkatla Agnarsdóttir og Sigrún Arnardóttir sálfræðingar. 

Námskeiðsgjald er 6000 kr. Aðeins 14 pláss eru í boði og því er nauðsynlegt að skrá sig.  
Skráning fer einungis fram á Þjónustuborðinu Háskólatorgi. 

Vinsamlegast athugið að skráning á námskeið er bindandi. Hægt er að óska eftir endurgreiðslu í síðasta lagi tveimur virkum dögum áður en námskeið hefst. 

Námskeiðið er haldið einu sinni í viku frá kl. 09:00 - 11:00 í Setbergi, stofa Miðberg 205, eftirfarandi fimmtudaga:

17.október, 24.október, 31.október, 7.nóvember og 14.nóvember.

Sálfræðiþjónusta NHÍ býður upp á 5 vikna námskeið um að auka og viðhalda vellíðan fyrir nemendur HÍ. Verkfæri hugrænnar atferlismeðferðar og jákvæðrar sálfræði verða kynnt til leiks eins og vítahringir óhjálplegra hugsana og hegðunar, þakklætis- og núvitundaræfingar ásamt gildum og markmiðasetningar.
 
Leiðbeinendur eru Guðlaug & Katrín klínískir sálfræðingar.

Námskeiðsgjald er 6000 kr.
Skráning fer einungis fram á Þjónustuborðinu, Háskólatorgi. Aðeins 12 pláss eru í boði og því er nauðsynlegt að skrá sig sem fyrst. 

Námskeið vormisseris 2024 verða auglýst síðar