18. desember 2023
Nýsköpunarnámskeið fyrir meistaranema og grunnnema á lokaári
![Nýsköpunarnámskeið fyrir meistaranema og grunnnema á lokaári - á vefsíðu Háskóla Íslands](https://www.hi.is/sites/default/files/styles/efsta_mynd___fr_ttum/public/bgisla/kveikja_1.jpg?itok=9wi6_J_2)
Háskóli Íslands býður á vormisseri upp á námskeiðið Kveikju fyrir meistaranema og nemendur á síðasta ári í grunnnámi þar sem þátttakendur öðlast aukinn skilning á áskorunum samtímans og vinna að sameiginlegum lausnum þvert á námsleiðir og í samstarfi við öfluga leiðbeinendur úr háskólanum og atvinnulífi.
Nemendur fá enn fremur skarpari sýn á eigin styrkleika og efla nýsköpunar- og frumkvöðlahugsun undir leiðsögn reynslumikilla kennara. Námskeiðið er blanda af fjar- og staðnámi þar sem nemendur af öllum fimm fræðasviðum og úr öllum Aurora-háskólum koma saman.
Umsóknarfrestur um þátttöku í Kveikju er til 31. desember 2023 og nánari upplýsingar á vef HÍ.