Grunnskólakennsla með áherslu á erlend tungumál

B.Ed. –

Námið hefur það að meginmarkmiði að efla þekkingu kennaranema á kennslufræði erlendra tungumála og gera þá sem hæfasta til að miðla þekkingu sinni í grunnskólakennslu. Námið er í nánum tengslum við vettvang og vettvangsnám er samþætt fræðilegum undirbúningi fyrir frekara nám og starf í grunnskóla. Hægt er að velja um sérhæfingu í ensku eða dönsku.

Boðið er upp á tvö kjörsvið:

Danska
Enska

Sækja um nám

Um hvað snýst námið?

Námið er fræðilegt og starfstengt 180 eininga grunnnám, ætlað þeim sem hyggjast leggja fyrir sig kennslu í grunnskólum.

Í náminu er lögð áhersla á að auka þekkingu þína á kennslufræði erlendra tungumála (ensku eða dönsku).

Meðal viðfangsefna

Tungumálakennsla
Kennsluaðferðir
Nútímasamskipti
Aðferðafræði og menntarannsóknir
Íslenska
Stærðfræði
Læsi og lestrarkennsla
Þroska- og námssálfræði
Vettvangsnám

Fyrirkomulag kennslu

Kennslufyrirkomulag í grunnnámi í grunnskólakennslu er með þeim hætti að námskeið 1. og 2. misseris (fyrsta námsárið) eru kennd í staðnámi. Lögð er áhersla á staðnám með virkri þátttöku og fer kennsla að mestu leyti fram í húsnæði Menntavísindasviðs.
Hægt er að sækja um að taka fyrsta árið í fjarnámi ef viðkomandi námsleið er í boði í fjarnámi með því að senda umsókn og rökstuðning þegar nemandi hefur verið samþykktur í nám.
Á Menntavísindasviði er staðnám skilgreint þannig að námið fer fram á tilteknum tíma og stað (t.d. í kennslustofu). Fjarnám er skilgreint þannig að gert er ráð fyrir rauntímaþátttöku nemenda á netinu og skyldumætingu í staðlotur og vettvangsnám.

Annað

Við brautskráningu úr kennaranámi við íslenska háskóla skal kennari búa yfir hæfni í íslensku sem samsvarar að lágmarki C1 í Evrópska tungumálarammanum.

Skipulag náms

Skiptinám

Háskóli Íslands er í samstarfi við yfir 400 háskóla um allan heim. Það veitir nemendum HÍ einstök tækifæri til að stunda hluta af náminu erlendis, öðlast alþjóðlega reynslu og styrkja stöðu sína á vinnumarkaði.

Möguleikar

Námsdvöl erlendis er alltaf háð samþykki deildar.

Skilyrði

Til að geta sótt um námsdvöl erlendis þarf námsleið við HÍ að vera að lágmarki:

90 ECTS einingar í grunnnámi
60 ECTS einingar í framhaldsnámi

Sjá frekari skilyrði

Námskeið metin til eininga

Nemendur geta fengið námskeið sem tekin eru erlendis metin sem hluta af námi við HÍ,
þannig að námsdvölin þarf ekki að lengja námstímann. Nemendur semja um mat á einingum við deildina áður en skiptinámið hefst með því að fylla út námssamning.

Meira um möguleika á námsdvöl erlendis

Mögulegt framhaldsnám með þessa menntun

Bóka viðtal í náms-og starfsráðgjöf

Hvað segja nemendur?

Dóra Björk Ólafsdóttir

Grunnskólakennsla með áherslu á náttúrugreinar

Ég hef alltaf haft mikinn áhuga á náttúruvísindum og þótti því tilvalið að miðla mínum áhuga til komandi kynslóða. Námið býður upp góða starfsmöguleika og starfið er spennandi. Boðið er upp á fjölbreytta og skemmtilega áfanga og eru þeir góður grunnur fyrir kennarastarfið.

—