Árleg Aurora-ráðstefna í beinu streymi frá París
Fulltrúar Háskóla Íslands taka þátt í árlegri ráðstefnu Aurora-háskólanetsins dagana 19.-22. maí í París í Frakklandi. Hægt verður að fylgjast með hluta ráðstefnunnar í streymi, bæði pallborðsumræðum og vinnustofu um samþættingu heimsmarkmiðanna við kennsluaðferðir.
Háskólinn Université Paris-Est Créteil hefur veg og vanda af skipulagi ráðstefnunnar í ár. Fulltrúar frá HÍ leika lykilhlutverk í dagskránni en þeirra á meðal eru rektor, aðstoðarrektorar, akademískir starfsmenn, starfsfólk stjórnsýslu og stúdentar. Ráðstefnunni lýkur með sjálfbærniþingi (e. Aurora Sustainability Summit) þar sem fulltrúar Sjálfbærnistofnunar HÍ eru í hópi fyrirlesara og þátttakenda.
Samhliða ráðstefnunni verða haldnir fjölmargir fundir í vinnuhópum Aurora-samstarfsins og opnar vinnustofur.
Öll áhugasöm geta fylgst með kynningum og umræðum á opnum viðburðum í beinu streymi frá París:
Athugið að tímasetningar í dagskránni eru gefnar upp á evrópskum sumartíma svo erindi hefjast tveimur klukkustundum fyrr að íslenskum tíma.
Aurora er samstarfsnet öflugra evrópskra rannsóknaháskóla sem vinna saman að því að efla kennsluþróun, rannsóknir og nýsköpun í starfsemi háskóla til að mæta brýnum samfélagslegum áskorunum.
Frá opnunarhátíðinni í Sorbonne.