Miðbiksmat í jarðfræði - Daniel G. Villarroel

Heiti ritgerðar:
Jarðefnafræði jarðhitavökva á jarðhitasvæðinu Sol de Mañana–Laguna Colorada í Bólivíu

Nemandi:
Daniel G. Villarroel

Doktorsnefnd:
Dr. Andri Stefánsson, prófessor við Jarðvísindadeild Háskóla Íslands
Dr. Sæmundur A. Halldórsson, rannsóknarprófessor við Jarðvísindastofnun Háskóla Íslands
Dr. Þráinn Friðriksson, sérfræðingur við Orkuveitu Reykjavíkur

Ágrip:
Jarðhitavökvar í meginlandseldvirknibogum endurspegla samverkandi áhrif margra þátta, þar á meðal grunnvatns, innflæði rokgjarnra efna frá kviku og jarðskorpu, auk samspil vatns og bergs. Jarðhitasvæðið Sol de Mañana–Laguna Colorada, á vesturjaðri Altiplano–Puna eldfjallakerfisins (Altiplano–Puna Volcanic Complex, APVC) í Bólivíu (22°S), er staðsett í afar þykkri meginlandsskorpu (>70 km) ofan við Altiplano–Puna kvikuhólfið (Altiplano–Puna Magma Body, APMB). Svæðið er kjörið til að meta hvernig þykkt jarðskorpu og APMB hefur áhrif á samsetningu jarðhitavökva og yfirborðslosun á rokgjörnum efnum. Rannsóknarverkefnið fjallar um þrjár meginspurningar: (i) uppruna og þróun jarðhitavökva, (ii) hlutfallslegur uppruni rokgjarnra efna frá kviku-, seti- og bergi í jarðskoprunni; og (iii) hlutverk djúps uppstreymis efna í að stýra yfirborðslosun rokgjarnra efna. Rannsóknin samanstendur af gagnasafni sem inniheldur meira en 220 sýni af jarðhitavökva og köldu vatni þar sem aðal- og snefilefni hafa verið efnagreind ásamt ýmsum samsætuhlutföllum (³He/⁴He, CO₂/³He, δ¹³C–CO₂, S/³He, δ³⁴S–H₂S, δ²H, δ¹⁸O) og mælingar á CO₂ flæði úr jarðvegi. Markmiðið er að meta hvernig jaðrhitasvæðið Sol de Mañana hegðar sér í samanburði við önnur jarðhtasvæði í Andesfjöllum og stryei og uppruna rokgjarnra efna í slíkum jarðhitavökva í tengslum við þykka meginlandsskorpu.