Erasmus+ styrkir til Bretlands og landa utan Evrópu

Nemendum HÍ gefst kostur á að sækja um Erasmus+ ferða- og dvalarstyrki skólaárið 2026-27 við valda samstarfsskóla í löndum utan Erasmus+ þátttökulanda.

Styrkirnir eru ætlaðir nemendum sem sækja um skiptinám við eftirtalda háskóla:

• University of Aberdeen, Aberdeen, Bretlandi
• University of East Anglia, Norwich, Bretlandi 
• University of Edinburgh, Edinburgh, Bretlandi (aðeins landfræði)
• University of Sussex, Brighton, Bretlandi 
• University of British Columbia, Vancouver, Kanada 
• University of Washington, Seattle, Bandaríkin 
• University of Wisconsin-Madison, Madison, Bandaríkjunum 
• National University of Singapore, Singapore 
• Edith Cowan University, Perth, Ástralíu 
• University of Melbourne, Melbourne, Ástralíu 
• University of New South Wales, Sydney, Ástralíu
• University of Technology Sydney, Sydney, Ástralíu

Sótt er um Erasmus+ styrk samhliða umsókn um skiptinám með því að velja Erasmus+ úr fellilista þegar gestaskóli er tilgreindur í umsóknarforminu. Takmörkuð pláss eru í boði við hvern háskóla og farið verður eftir forgangsreglum við úthlutun plássa og styrkja.

Styrkupphæðir eru breytilegar eftir áfangastað en vakin er athygli á því að nemendur eiga kost á inngildingarstyrk á grundvelli færri tækifæra uppfylli þau sett viðmið. 

*Ferðastyrkur er föst upphæð óháð raunverði farmiða. Hægt er að sækja um viðbótarferðastyrk til Alþjóðasviðs ef sýnt þykir að ferðastyrkur nægi ekki fyrir 70% af ferðakostnaði, miðað við hagkvæmasta ferðamátann.