12. janúar 2022
Lágmarksfjarlægð í kennslu- og lesrýmum er 1 metri
![Lágmarksfjarlægð í kennslu- og lesrýmum er 1 metri - á vefsíðu Háskóla Íslands](https://www.hi.is/sites/default/files/styles/efsta_mynd___fr_ttum/public/bgisla/kri_covid_hi_200928_001.jpg?itok=fLxOBz1T)
Jón Atli Benediktsson, rektor Háskóla Íslands, sendi meðfylgjandi tilkynningu á starfsfólk og stúdenta í dag (12. janúar 2022):
„Kæru nemendur og samstarfsfólk.
Heilbrigðisráðherra hefur gefið út nýja reglugerð um takmörkun á skólastarfi vegna COVID-19. Í reglugerðinni er ein mikilvæg breyting frá fyrri reglugerð. Felst hún í því að viðhafa ber 2 metra fjarlægð í kennslu- og lesrýmum, en ef slík fjarlægð er ekki möguleg verður að lágmarki að hafa 1 metra fjarlægð og bera andlitsgrímur.
Reglur um verklega kennslu eru óbreyttar frá fyrri tilkynningu, þ.e. bera skal andlitsgrímur ef ekki er mögulegt að ná 2 metra fjarlægð.
Nýja reglugerðin tekur gildi núna á miðnætti, 13. janúar 2022
Kær kveðja,
Jón Atli Benediktsson, rektor“