Nemendum gefst kostur á að sækja um skiptinám á vormisseri 2027 í samstarfsskólum sem enn er laust í. Frestur til að sækja um er 10. september 2026. Kynningarfundir og vinnustofur Haldnir verða kynningarfundir fyrir þau sem hafa áhuga á að kynna sér skiptinám á vormisseri 2027. Auk þess verður boðið upp á tvær vinnustofur. Á vinnustofunum getur þú fengið aðstoð við undirbúning og umsókn um skiptinám hjá starfsfólki Alþjóðasviðs. Nemendur þurfa ekki að vera allan tímann, en mikilvægt er að vera vel undirbúin og hafa kynnt sér gestaskóla svo vinnustofurnar nýtist sem best. Nánari upplýsingar síðar. Skólar sem laust er í á vormisseri 2027 Hér má sjá lista yfir þá skóla og námsleiðir sem laust er í á vormisseri 2027 (pdf) Fyrir frekari upplýsingar um umsóknarferlið og gestaskóla er hægt hafa samband við Alþjóðasvið með því að senda póst á ask@hi.is eða hringja í síma 525 4311. Gott er að kynna sér vel upplýsingar á vefsíðunni okkar en þar kemur fram mikið af hagnýtum upplýsingum um skiptinámsferlið. Hér er hægt að horfa á upptöku frá kynningu á skiptinámi Upplýsingar um skiptinám og umsóknarferlið facebooklinkedintwitter
