• Starfar þú með öldruðum?
• Hefur þú áhuga á að auka fræðilega og hagnýta þekkingu þína um málefni aldraðra?
• Vilt þú kynnast því betur hvernig umhverfi, félagsleg tengsl og heilsufar hafa áhrif á vellíðan aldraðra?
• Langar þig að öðlast hæfni til að vinna með öðrum starfsstéttum að velferðarmálum aldraðra?

Í örnámi í öldrunarþjónustu auka nemendur fræðilega og hagnýta þekkingu sína um málefni aldraðra og er námsleiðin einkum ætluð þeim sem starfa með öldruðum.

Umsækjendur skulu hafa lokið háskólanámi á heilbrigðis- eða félagsvísindasviði en einnig er litið á starfsreynslu þegar umsóknir eru metnar.

Uppbygging náms

Námið er 30 einingar og sett upp sem hluta nám í eitt ár.

Námið skiptist í:

Skyldunámskeið:

• Öldrunarfræði: Stefnumótun og þjónusta, 10 einingar 
• Áhrifaþættir öldrunar: Umhverfi, félagstengsl og heilsufar, 10 einingar

Valnámskeið:

• Valnámskeið valið í samráði við umsjónarmann námsleiðar, 10 einingar

Fyrirkomulag kennslu

Námið er kennt á íslensku en flestar kennslubækur eru á ensku eða öðrum erlendum málum, einkum Norðurlandamálum.

Meginmarkmið

Markmið námsleiðarinnar er að koma til móts við þörf fyrir sérhæfða þekkingu og færni á sviði öldrunarþjónustu. Nemendur fá fræðilega og hagnýta þekkingu um málefni aldraðra og þá þætti sem hafa áhrif á stefnumörkun og stjórnun málaflokksins.

Annað

Námið er hægt að fá metið inn í meistaranám að uppfylltum inntökuskilyrðum.

• Sjá MA nám í öldrunarfræði

Inntökuskilyrði námsleiðar

Umsækjendur skulu hafa lokið háskólanámi á heilbrigðis- eða félagsvísindasviði (BA, B.Ed., BS). Að jafnaði er krafist fyrstu einkunnar (7,25). 

Einnig er litið á starfsreynslu þegar umsóknir eru metnar og því skal greinagerð umsækjenda um starfsreynslu fylgja með umsókn. Þar að auki þarf samþykki yfirmanns til að stunda nám samhliða starfi að fylgja umsókninni, ef við á. Samþykki yfirmanns skal senda á umsokn@hi.is 

Ljúka þarf 30 ECTS einingum. Námið skiptist þannig að um er að ræða skyldunámskeið 20e og valnámskeið í samráði við umsjónarmann námsleiðar 10e

Eftirfarandi gögn þurfa að fylgja umsókn um þetta nám:

• Ferilskrá (CV) 

• Samþykki yfirmanns til að stunda nám samhliða starfi, ef við á.

Frekari upplýsingar um fylgigögn má finna hér

Námið er á

• Félagsvísindasviði
• Félagsráðgjafardeild