Lykilþættir markaðsfræðinnar (VIÐ0ALF)

Námskeiðið er ætlað þeim sem uppfylla ekki forkröfur í markaðsfræði á meistarastigi, um að hafa lokið að minnsta kosti 12 ECTS einingum í markaðsfræði í grunnnámi. Markmið námskeiðsins er að nemendur öðlist grundvallarþekkingu á markaðsfræði. Í því felst meðal annars að skilja kjarnahugtök markaðsfræðinnar, öðlast þekkingu á markaðshugsun og fá innsýn í hvað felst í faglegu markaðsstarfi.

Námskeiðið nýtist ekki til eininga í náminu og er eingöngu ætlað nemendum í markaðsfræði sem ekki hafa tilhlýðilegan grunn.

Hegðun neytenda og markaðsaðgerðir (VIÐ1AEF)

Skilningur á hegðun neytenda er grundvallarforsenda árangurs í markaðsstarfi. Þekking á þörfum, löngunum og ákvörðunarferlum neytenda, sem og skilningur á því hvernig og hvers vegna þeir hugsa og hegða sér með tilteknum hætti, er lykilatriði við mótun markaðsaðgerða sem byggja á fræðilegri og gagnreyndri þekkingu á neytendahegðun. Slík þekking styður við þróun vara og þjónustu sem samræmast þörfum markhópa, auðveldar greiningu og val á markhópum og er forsenda markaðssamskipta sem eru viðeigandi, trúverðug og ná athygli neytenda. Í námskeiðinu fá nemendur þjálfun í að beita atferlisfræðilegri innsýn, byggðri á fræðilegum grunni, til að greina og skilja hegðun neytenda í markaðslegu samhengi. Jafnframt öðlast nemendur þekkingu á hvernig er hægt að hanna umhverfi og nýta það til að hafa áhrif á hegðun í gegnum valarkitektur (choice architecture) og milda hegðnarstýringu (nudging). Áhersla er lögð á gagnrýna nálgun og siðferðileg álitamál sem tengjast beitingu atferlisvísinda í markaðsstarfi.

Stefnumiðuð markaðsfærsla, sköpun virðis og tengsla (VIÐ1ACF)

Markmið námskeiðsins er að veita nemendum góða fræðilega undirstöðu í markaðsfræði með áherslu á að draga fram mikilvægi faglegs markaðsstarfs fyrir árangur skipulagsheilda. Áhersla er á stefnumiðaða markaðsfærslu sem í grundvallaratriðum felur í sér markaðsgreiningu, markhópagreiningu, sköpun virðis og umsýslu tengsla við notendur vöru eða þjónustu. Áherslan er á markaðsgreiningu, miðað markaðsstarf, virðissköpun og tengsl. Verkefni námskeiðsins (hóp- og einstaklingsverkefni) tengjast þessum grundvallaratriðum og geta ýmist verið nokkur stutt viðfangsefni eða eitt umfangsmikið raunverkefni.

Hagnýt tölfræði (VIÐ1ADF)

Markmið þessa námskeiðs er að styrkja tölfræði og aðferðafræði þekkingu nemenda og gera þeim betur kleift að tileinka sér rannsóknaraðferðir og rannsóknarniðurstöður. Farið verður yfir vandaðar rannsóknir og fjallað um þá tölfræði og aðferðafræði sem er nauðsynleg til að framkvæma þær.  Einnig er ætlast til að nemendur framkvæmi sitt eigið rannsóknarverkefni sem undirbúning undir greiningarvinnu í atvinnulífinu og lokaverkefni til mastersgráðu.

Lykilþættir markaðsfræðinnar (VIÐ0ALF)

Námskeiðið er ætlað þeim sem uppfylla ekki forkröfur í markaðsfræði á meistarastigi, um að hafa lokið að minnsta kosti 12 ECTS einingum í markaðsfræði í grunnnámi. Markmið námskeiðsins er að nemendur öðlist grundvallarþekkingu á markaðsfræði. Í því felst meðal annars að skilja kjarnahugtök markaðsfræðinnar, öðlast þekkingu á markaðshugsun og fá innsýn í hvað felst í faglegu markaðsstarfi.

Námskeiðið nýtist ekki til eininga í náminu og er eingöngu ætlað nemendum í markaðsfræði sem ekki hafa tilhlýðilegan grunn.

Markaðssamskipti á stafrænum tímum (VIÐ2A3F)

 Í nútíma markaðssetningu er ekkert skilrúm á milli hefðbundinna (offline) og stafrænna (online) miðla. Það sem skiptir máli er ferðalag viðskiptavinarins og hvernig miðlar eru samhæfðir á því ferðalagi. Í þessu námskeiði læra nemendur að skapa virði fyrir viðskiptavininn í gegnum samhæfða miðla. Þeir vinna með gögn til að greina hindranir og tækifæri og byggja upp stefnu sem ætlað er að skapa samkeppnisforskot. Námskeiðið sem er verkefna- og gagnadrifið leggur áherslu á að nemandinn taki ákvarðanir sem byggja á rannsóknum og fyrirliggjandi gögnum.

Vörumerkjastjórnun (VIÐ2A2F)

Vörumerkjastjórnun (e. branding) er einn af þeim þáttum markaðsfræða sem vex hvað hraðast. Fræðasviðið er ungt og lifandi og ekki eru allir endilega á eitt sáttir um vænlegustu aðferðir til að byggja upp gott vörumerki. Í námskeiðinu verða kennd grundvallaratriði vörumerkjastjórnunar; einnig verða kynntar nýjustu áherslur á fræðasviðinu. Veitt verður innsýn í áhrif vörumerkja á daglegt líf neytenda sem og á rekstur fyrirtækja. Þá mun námskeiðið hvetja nemendur til að beita gagnrýninni hugsun um stefnur, tæki, og tól sem gagnast geta við að byggja upp vörumerki, viðhalda þeim og verja þau.

Eigindleg aðferðafræði (VIÐ2A4F)

Markmið námskeiðsins er að gefa nemendum yfirsýn yfir eigindlegar aðferðir, sem notaðar eru til að safna og greina gögn um einstaklinga og skipulagsheildir. Nemendur munu fá þjálfun í að skilgreininga vandamál og semja rannsóknarspurningu. Þá munu nemendur skipuleggja og framkvæma gagnasöfnun, úrvinnslu gagna og greina frá niðurstöðum skriflega. Nemendur munu kynnast veikum og sterkum hliðum  mismunandi aðferða innan eigindlegra rannsóknaraðferða, þannig að þeir geti valið þá aðferð, sem best hentar til að leysa tiltekið vandamál.

MS ritgerð (MAV431L, MAV431L, MAV431L)

Meistaraprófsritgerð skal valin í samráði við leiðbeinanda (leiðbeinendur) úr hópi fastra kennara Viðskiptafræðideildar.

Ritgerðin skal vera 30 einingar og kynna nemendur niðurstöður rannsókna sinna.

Ritgerð skal skilað rafrænt í samræmi við auglýsingu þar að lútandi hverju sinni. Kennari og prófdómari skulu meta meistaraprófsritgerð til einkunnar samkvæmt almennum prófreglum Háskóla Íslands.

Ath.! Skv. reglum Háskóla Íslands eiga allar MS ritgerðir eiga að vera opnar eftir að þeim hefur verið skilað til Háskólabókasafns.
Æski stúdent þess að MS ritgerð hans verði lokuð í tiltekinn tíma, að lokinni brautskráningu, ber honum að senda rökstudda beiðni til sviðsstjóra Kennslusviðs HÍ og fá skriflegt samþykki hans. Æskilegt er að sótt sé um heimildina áður en ritgerðaskrif hefjast.

Umsókn um lokun meistararitgerða.

MS ritgerð (MAV431L, MAV431L, MAV431L)

Meistaraprófsritgerð skal valin í samráði við leiðbeinanda (leiðbeinendur) úr hópi fastra kennara Viðskiptafræðideildar.

Ritgerðin skal vera 30 einingar og kynna nemendur niðurstöður rannsókna sinna.

Ritgerð skal skilað rafrænt í samræmi við auglýsingu þar að lútandi hverju sinni. Kennari og prófdómari skulu meta meistaraprófsritgerð til einkunnar samkvæmt almennum prófreglum Háskóla Íslands.

Ath.! Skv. reglum Háskóla Íslands eiga allar MS ritgerðir eiga að vera opnar eftir að þeim hefur verið skilað til Háskólabókasafns.
Æski stúdent þess að MS ritgerð hans verði lokuð í tiltekinn tíma, að lokinni brautskráningu, ber honum að senda rökstudda beiðni til sviðsstjóra Kennslusviðs HÍ og fá skriflegt samþykki hans. Æskilegt er að sótt sé um heimildina áður en ritgerðaskrif hefjast.

Umsókn um lokun meistararitgerða.

MS ritgerð (MAV431L, MAV431L, MAV431L)

Meistaraprófsritgerð skal valin í samráði við leiðbeinanda (leiðbeinendur) úr hópi fastra kennara Viðskiptafræðideildar.

Ritgerðin skal vera 30 einingar og kynna nemendur niðurstöður rannsókna sinna.

Ritgerð skal skilað rafrænt í samræmi við auglýsingu þar að lútandi hverju sinni. Kennari og prófdómari skulu meta meistaraprófsritgerð til einkunnar samkvæmt almennum prófreglum Háskóla Íslands.

Ath.! Skv. reglum Háskóla Íslands eiga allar MS ritgerðir eiga að vera opnar eftir að þeim hefur verið skilað til Háskólabókasafns.
Æski stúdent þess að MS ritgerð hans verði lokuð í tiltekinn tíma, að lokinni brautskráningu, ber honum að senda rökstudda beiðni til sviðsstjóra Kennslusviðs HÍ og fá skriflegt samþykki hans. Æskilegt er að sótt sé um heimildina áður en ritgerðaskrif hefjast.

Umsókn um lokun meistararitgerða.