Fjölmenning, margbreytileiki og flóttafólk - Örnám

Félagsvísindasvið

Fjölmenning, málefni innflytjenda og flóttafólks (ekki tekið inn í námið 2025-2026)

Örnám – 30 einingar

Fjölmenning, margbreytileiki og flóttafólk, er framhaldsnám einkum ætlað fólki með reynslu af starfi með innflytjendum og/eða flóttafóki sem vilja sérhæfða þekkingu og efla færni sína í starfi með flóttafólki og innflytjendum. Fjarnám að mestu eða hluta.

Sækja um nám

Show Um hvað snýst námið?

Viðbótardiplómanám í fjölmenningu, málefnum flóttafólks og innflytjenda er sjálfstætt 30 eininga nám að loknu grunnnámi á sviði félags-, heilbrigðis- eða menntavísinda.

Í náminu öðlast nemendur þekkingu á lykil kenningum, sjónarhornum og vinnuaðferðum í félagsráðgjöf í starfi með innflytjendum og flóttafólki. Nemendur öðlast þekkingu á helstu straumum og stefnum í rannsóknum, fræðilegri umræðu um málefni þessara tveggja hópa á sviði félagsráðgjafar. Áhersla í náminu er að skoða stöðu innflytjenda og flóttafólks út frá heildarsýn, þ.e. velferðarþjónustu, atvinnu- og menntamál, aðlögun og samfélagslega þátttöku auk stefnu ríkis og sveitarfélaga í málaflokknum.

Uppbygging náms

Námið er 30 einingar og er sett upp sem hluta nám til eins árs.

Námið skiptist í:

Skyldunámskeið, 14 einingar
Valnámskeið, 16 einingar

Fyrirkomulag kennslu

Námið er kennt á íslensku eða ensku en flestar kennslubækur eru á ensku.

Kennt er í lotukennslu sem ýmist er í rafrænu formi í beinu streymi á eða í staðbundinni kennslu í húsnæði HÍ.

Meginmarkmið

Markmið námsleiðarinnar er að koma til móts við þörf fyrir aukna þekkingu fagfólks á málefnum fjölbreytilegra hópa innflytjenda og flóttafólks og efla færni þeirra í starfi.

Annað

Hægt er að fá námið metið inn í rannsóknartengt meistaranám í félagsráðgjöð að uppfylltum inntökuskilyrðum.

Sjá MA nám í félagsráðgjöf, rannsóknarnám

Lesnámskeið um sérsvið (FRG063F)

Nemandi vinnur skrifleg verkefni eða ítarlega heimilda-ritgerð um tiltekinn þátt þess rannsóknasviðs sem hann hefur valið sér í samráði við umsjónarkennara.

Nánar um námskeiðið

Flóttafólk og umsækjendur um alþjóðlega vernd (FVS102M)

Markmið námskeiðsins er að auka þekkingu og skilning fagfólks og háskólanema á málefnum flóttafólks og umsækjenda um alþjóðlega vernd frá sjónarhóli félagsráðgjafar, lögfræði og mannfræði. Í námskeiðinu verður m.a. fjallað um:

Málefni flóttafólks og umsækjenda um alþjóðlega vernd almennt í heiminum í dag en sérstök áhersla lögð á Ísland,
Helstu kenningar og megináherslur fræðimanna í málaflokknum,
Skilgreiningar helstu hugtaka,
Réttarstöðu flóttafólks skv. íslenskum rétti og alþjóðarétti sem og tengsl milli mannréttinda og verndar flóttamanna,
Ólíka stöðu karla, kvenna og barna,
Einstaka hópa flóttafólks svo sem kvótaflóttafólk, umsækjendur um alþjóðlega vernd, börn án fylgdarmanns, ríkisfanglausa einstaklinga, þolendur mansals o.fl.,
Áhrif landflótta á líf einstaklinga og fjölskyldna og þá fjölmörgu áhrifaþætti sem móta stöðu og reynslu í nýju landi.

Nánar um námskeiðið

Vinna með flóttafólki og innflytjendum á sviði velferðarþjónustu (FRG008F)

Markmið námskeiðsins er að auka sérhæfða þekkingu og færni á sviði starfs með fjölbreytilegum hópum flóttafólks og innflytjendum á sviði félagsráðgjafar. Fjallað er um stöðu innflytjenda og flóttafólks og í samhengi við velferðarþjónustu, menntun og atvinnumál. Í námskeiðinu verður lögð áhersla á að dýpka þekkingu, skilning og hæfni nemenda í menningarlæsi í starfi (e. cultural competence). Einnig verður lögð áhersla á dýpka þekkingu nemenda á ríkjandi straumum og stefnum í fræðilegri umræðu, rannsóknum og stefnumótun í málefnum flóttafólks og innflytjenda frá gagnrýnu sjónarhorni.

Nánar um námskeiðið