Kynningarfundur fyrir nýnema á Hugvísindasviði

Hugvísindasvið Háskóla Íslands býður nýnemum á sameiginlegan kynningarfund í stofu 105 á Háskólatorgi, föstudaginn 21. ágúst kl. 13:30-14:00. Að honum loknum verða kynningarfundir í einstaka deildum.

Dagskrá sameiginlegs fundar í stofu 105 á Háskólatorgi: 

• Ávarp Silju Báru R. Ómarsdóttur, rektors Háskóla Íslands
• Þjónusta Nemendaráðgjafar 
• Kynning á Uglu, innri vef HÍ 
• Haraldur Bernharðsson, forseti Hugvísindasviðs, býður nemendur velkomna.

Að þessum fundi loknum kl. 14:00 verða kynningarfundir í Deild heimspeki, sagnfræði og fornleifafræði,  Guðfræði- og trúarbragðafræðideild, Íslensku- og menningardeild og Mála- og menningardeild. Þar verður greint frá námstilhögun og veittar nánari upplýsingar um nám og félagsstarf í viðkomandi deildum. 

Fundir deilda:

• Deild heimspeki, sagnfræði og fornleifafræði í stofu 304 í Árnagarði.
• Guðfræði- og trúarbragðafræðideild í stofu 229 í Aðalbyggingu.
• Íslensku- og menningardeild í stofu 218 í Eddu.
• Mála- og menningardeild í stofu 229 í Veröld.

Kennsla hefst mánudaginn 24. ágúst. Nýnemadagar Háskóla Íslands hefjast 31. ágúst.

Á nýnemavef Háskóla Íslands, vef Stúdentaráðs og á vef Hugvísindasviðs eru gagnlegar upplýsingar fyrir nýnema um námið og skólann, þar á meðal stundaskrár. Eins er hægt að fá innsýn í starfið á  facebooksíðum skólans og sviðsins og á Instagram síðum sviðs og skóla.

Ef einhverjar spurningar vakna um námið er hægt að hafa samband við starfsfólk á skrifstofu í síma 525 4400, senda okkur tölvupóst á netfangið hug@hi.is eða koma við á skrifstofu sviðsins í Aðalbyggingu (3. hæð); hún er opin kl. 10-12 og 13-15 virka daga.