Heimur bókmenntanna 2026

Föstdaginn 8. maí munu koma saman bókmenntafræðingar og bókmenntaáhugafólk innan og utan Háskóla Íslands og halda málþing um bókmenntir frá ýmsum tímum og löndum, út frá margs konar sjónarhornum. Dagskráin verður mjög fjölbreytt og þar munu skiptast á hefðbundnir fyrirlestrar, örfyrirlestrar, upplestrar og pallborðsumræður. Fyrirhugað er að þingið verði hér eftir árlegur viðburður.

Að þinginu standa Bókmennta- og listfræðastofnun, Stofnun Vigdísar Finnbogadóttur í erlendum málum og Stofnun Árna Magnússonar í íslenskum fræðum.

Þingið er öllum opið.