Almyrkvi á sólu við Háskóla Íslands

Stjarneðlisfræðingar og eðlisfræðingar við Háskóla Íslands bjóða áhugasömum að njóta sólmyrkvans í skeifunni við Aðalbyggingu en þar munu þeir reiða fram fróðleik og svara spurningum sem kunna að brenna á fólki um þetta náttúrufyrirbrigði.

Hvar: Í Skeifunni (grasflötinni) fyrir framan Aðalbyggingu Háskóla Íslands.

Hvenær: Dagskráin hefst kl. 17:00, hvernig sem viðrar. 
(Hlutamyrkvi hefst kl. 16:47 og almyrkvi kl. 17:48.)

Hver: Þú! Einnig verða stjörnufræðingar og eðlisfræðingar á staðnum til að svara spurningum um sólmyrkvann.