Pólsk málfræði, lestur og ritun I (POL104G)

Þetta er grunnnámskeið í pólsku ætlað byrjendum sem hafa enga fyrri þekkingu á málinu. Kennt er á ensku og pólsku.

Námskeiðið kynnir helstu undirstöðuatriði pólskrar málfræði, þar á meðal beygingarfræði, setningafræði og stafsetningu. Nemendur þjálfa lesskilning og ritfærni.

Auk hefðbundinna kennslustunda verða æfingatímar sem ætlaðir eru til að þjálfa framburð, stafsetningu og grunnorðaforða fyrir lestur, ritun og samskipti.

Nemendum sem vilja ná góðum tökum á öllum færniþáttum er ráðlagt að taka einnig námskeiðið POL106G Pólska: málnotkun I.

Virk þátttaka er nauðsynlegur þáttur námskeiðsins.

Pólsk menning og samfélag (POL105G)

Í þessu námskeiði fá nemendur yfirlit yfir sögu Póllands allt fram að seinni heimsstyrjöld. Farið verður sérstaklega í þá sögulegu atburði sem hafa sett mark sitt á pólska menningu og nemendur kynnast helstu bókmennta- og listaverkum og þeim listamönnum sem mótað hafa pólska þjóðarsál í gegnum aldirnar. Engrar forkunnáttu er krafist og námskeiðið er kennt á ensku.

Pólska: málnotkun I (POL106G)

Þetta er grunnnámskeið í pólsku ætlað byrjendum sem hafa enga fyrri þekkingu á málinu. Kennt er á ensku og pólsku.

Markmið námskeiðsins er að þjálfa framburð, byggja upp grunnorðaforða, bæta hlustunarfærni og virkja nemendur í samskiptum á pólsku. Einfaldir textar og talmál er notað til að sýna notkun orðaforða og orðasambanda í samskiptum.

Auk hefðbundinna kennslustunda verða æfingatímar sem ætlaðir eru til að hjálpa nemendum að skilja og beita málfræðireglum sem nauðsynlegar eru fyrir bæði munnleg og skrifleg samskipti á pólsku.

Nemendum sem vilja ná góðum tökum á öllum færniþáttum er ráðlagt að taka einnig námskeiðið POL104G Málfræði, lestur og ritun I.

Virk þátttaka er nauðsynlegur þáttur námskeiðsins.

Pólsk málfræði, lestur og ritun II (POL205G)

Námskeiðið er ætlað nemendum sem hafa lokið námskeiðinu POL104G Pólsk málfræði, lestur og ritun I eða hafa sambærilega undirstöðuþekkingu í pólsku (með samþykki kennara). Kennt er á ensku og pólsku.

Markmiðið er að dýpka þekkingu nemenda á pólskri málfræði og veita aukna þjálfun í lestri og ritun. Frekari þættir beygingarfræði, setningafræði og stafsetningar verða kynntir og æfðir.

Auk hefðbundinna kennslustunda verða æfingatímar sem ætlaðir eru til að þjálfa framburð, stafsetningu og grunnorðaforða fyrir lestur, ritun og samskipti.

Nemendum sem vilja ná góðum tökum á öllum færniþáttum er ráðlagt að taka einnig námskeiðið POL207G Pólska: málnotkun II.

Virk þátttaka er nauðsynlegur þáttur námskeiðsins.

Pólland í dag (POL206G)

Í þessu námskeiði verður fjallað um sögu Póllands og menningu frá síðari heimstyrjöld og til dagsins í dag. Meðal umfjöllunarefna eru saga, stjórnmál og menning (með áherslu á bókmenntir, kvikmyndir og tónlist). Námskeiðið er kennt á ensku.

Pólska: málnotkun II (POL207G)

Námskeiðið er ætlað nemendum sem hafa lokið Pólska: málnotkun I eða hafa sambærilega undirstöðuþekkingu í pólsku (með samþykki kennara). Kennt er á ensku og pólsku.

Á námskeiðinu fá nemendur frekari þjálfun í framburði, orðaforði verður aukinn, hlustunarfærni styrkt og virk þátttaka í samskiptum á pólsku efld. Einfaldir textar og talmál er notað til að sýna notkun orðaforða og málfræði í samskiptum.

Auk hefðbundinna kennslustunda verða æfingatímar sem ætlaðir eru til að hjálpa nemendum að skilja og beita málfræðireglum sem nauðsynlegar eru fyrir bæði munnleg og skrifleg samskipti á pólsku.

Nemendum sem vilja ná góðum tökum á öllum færniþáttum er ráðlagt að taka einnig námskeiðið POL205G Málfræði, lestur og ritun II.

Virk þátttaka er nauðsynlegur þáttur námskeiðsins.