Nýnemadagar: Tækifæri á námsdvöl erlendis - Örkynning

Nýnemum og öðrum nemendum Háskóla Íslands gefst kostur á að kynna sér fjölbreytt tækifæri til námsdvalar erlendis á þessari stuttu kynningu á vegum Alþjóðasviðs.

Fjallað verður um skiptinám, starfsþjálfun og styttri námsdvalir erlendis, auk þeirra styrkja sem í boði eru og hvernig umsóknarferli er háttað.

Háskóli Íslands á í samstarfi við hundruð háskóla og samstarfsaðila um allan heim og árlega nýta fjölmargir nemendur sér tækifæri til náms eða starfsþjálfunar erlendis. Alþjóðleg reynsla getur aukið bæði faglega og persónulega færni, styrkt tungumálakunnáttu og skapað dýrmæt tengsl sem nýtast í áframhaldandi námi og starfi.

Kynningin er liður í dagskrá Nýnemadaga Háskóla Íslands og er opin öllum nemendum.