Velkomin í HÍ á Hólum

HÍ á Hólum býður alla nýnema í grunnnámi velkomna í nám við skólann, mánudaginn 24. ágúst kl. 9:00 - 18:30 og þriðjudaginn 25. ágúst frá kl. kl. 9:00 - 17:30, eftir það tekur við kvölddagskrá á vegum nemendafélagsins. Allir nýnemar óháð því í hvaða námi þau eru að byrja, mæta á nýnemadagana.

Móttakan verður með hefðbundnu sniði og er hluti af því að kynna skipulag skólastarfsins og efla tengsl milli nemenda í upphafi náms við skólann. Markmiðið er að taka vel á móti nýjum nemendum,með því að bjóða upp á fræðslu og kynningu á námi, þjónustu og háskólalífinu á Hólum. Dagskrá nýnemadaga fer fram á Hólum í Hjaltadal.

Nýnemadagar eru frábært tækifæri til að kynnast samnemendum, kennurum og starfsfólki áður en kennsla hefst. Með þátttöku í dagskránni fá nýnemar betri innsýn í námið, þjónustu skólans og daglegt líf á Hólum, auk þess að mynda fyrstu tengslin í háskólasamfélaginu. Við hvetjum alla nýnema til að mæta og hefja námið af öryggi og krafti.

Þjónustuborð fyrir nýnema verður opið á nýnemadögum frá kl.10-12.30 og 13-14 í aðalbyggingu HÍ á Hólum.

HÍ á Hólum er hluti af Háskóla Íslands. Á nýnemasíðu HÍ er hægt að finna svör við mörgum af þeim spurningum sem kunna að vakna þegar þú hefur nám við Háskóla Íslands. Staðbundnar upplýsingar varðandi aðstöðu og stoðþjónustu til nemenda við HÍ á Hólum má finna á heimasíðu HÍ á Hólum og á vefsíðum deilda innan HÍ á Hólum.

Ef þú finnur ekki svar við þinni spurningu hvetjum við þig til að hafa samband við þjónustueiningar skólans, t.d. í gegnum netspjallið hér á síðunni. Samnemendur þínir hjálpa þér líka án efa eftir fremsta megni.

Endilega fylgstu með Instagram reikningi HÍ á Hólum þar sem kynnt er ýmis  þjónusta, stuðningur og félagslíf sem stendur nemendum til boða. 

Með fyrirvara um breytingar / Subject to change.

Skráningarform fyrir mat á Hólum á nýnemadögum Skráningarform í mat

Mánudagur / Monday 24. ágúst    

9:00 - 9:20  Ávarp Forseta / Welcome Address by the Dean of School 

9:25 - 9:45  Ávörp fyrrverandi nemenda / Alumni Presentations 

9:50 - 11:15  Hvað er háskóli og hvað þýðir að hefja háskólanám? What is a university and what does it mean to start university studies? 

11:00 - 12:00  Hópefli / Team building 

12:00 - 13:15  Hádegishlé / Lunch break - Muna að skrá sig í mat.

13:15 - 13:45  Kynning á þjónustu við nemendur / Introduction to Student Services 

13:45 - 15:45  Verklegar æfingar í tæknimálum / Hands-on Technical Workshops  

15:45 - 16.00  Hlé / Break

16:00 - 18.00  Skoðunarferð um Hólastað / Guided Tour of Hólar

18:00 - 20:00  Samhristingur og grill úti við Bjórsetrið á Hólum / Social get together  

20:00 - 22:00  Bjórsetur opið / Bjórsetur Bar Open 

22:00  Dagskrá lýkur! / The end of todays program  

Þriðjudagur / Tuesday 25. ágúst    

9:00 - 9:30  Náms- og starfsráðgjafi / Career and Guidance Counsellor 

9:30 - 9:50  Hlé / Break 

9:50 - 11:30  Gagnrýnin hugsun og siðferði í samskiptum / Critical thinking and ethics  of relations  

11:30 - 12:00  Kynning LÍS og Stúdentaráðs / Introduction to LÍS and the Student Council 

12:00 - 13:00  Hádegishlé / Lunch break 

13:00 - 14:15  Kynning á deildum / Department Presentations 

14:30- 16:00  Ferðamála- og hestafræðideild. Kynning á námskeiðinu Verklag í námi og starfi. / Introduction to Methodology for students in Equine science, riding and riding teaching and Tourism studies, events and hospitality management.    

14:30 – 16:00  Fiskeldis- og fiskalíffræðideild. Kynning á námskeiðinu Inngangur að fiskeldi / Introduction to Methodology  for students in Aquaculture.   

16:00 -17:30  Hlé / Break.  

Kvölddagskrá auglýst síðar / Evening programme to be announced later 

• Nýnemadagar verða 24.-25. ágúst 2026 - skyldumæting er þá daga. 
• Fyrstu kennslulotur hefjast miðvikudaginn 26. ágúst 2026.
• Nám á 2. og 3. ári í hestafræði byrjar samkvæmt stundatöflu sem birtist í Uglu.

• Aðalbygging á Hólum er opin frá 8-16 alla virka daga. Nemendur komast inn með kóða utan opnunartíma. Bókleg kennsla fer fram í aðalbyggingunni á Hólum og þar eru staðbundnar lotur haldnar.
• Brúnastaðir er reiðhöll og hesthús staðsett á hesthússvæðinu við Hóla. Þar fer fram verkleg kennsla í hestafræði en jafnframt er á hesthússvæðinu útireiðvöllur, Skólahesthús ásamt reiðhöll sem kölluð er Skólareiðhöllin. Þrándarhöll sem er reiðhöll er jafnframt á hesthússvæðinu.
• Faxatorg á Sauðárkróki. Gengið er inn um inngang að austan (til móts við Ráðhús Skagafjarðar) og eru skrifstofur á 1. hæð. Skrifstofur starfsfólks á stoðsviði og stjórnenda eru bæði í aðalbyggingu á Hólum í Hjaltadal og á Faxatorgi. Starfsfólk í ferðamálafræði hafa vinnuaðstöðu á Faxatorgi en einnig á Hólum.  
• Bókasafn HÍ á Hólum er á 3. hæð í viðbyggingu aðlbyggingu á Hólum. Sjálfsafgreiðsla er á útlánum. Upplýsingar um bókasafnið veitir kennslustjóri HÍ á Hólum og starfsfólk þjónustuborðs. Nemendur hafa sama aðgang að þjónustu Landsbókasafns Íslands - Háskólabókasafni og aðrir nemendur HÍ.
• Líkamsræktaraðstaða er í aðalbyggingu á Hólum, sem nemendur geta nýtt sér. Sundlaug og heitur pottur er við aðalbyggingu en er ekki opin almenningi. Nemendur geta fengið aðgang í samráði við staðarumsjónarmann HÍ á Hólum.
• Mötuneyti er í aðalbyggingu á Hólum þar sem hægt er að fá hádegismat. Sjálfsali er í mötuneytinu. Engin verslun er á Hólum.
• Öryggismál á Hólum. Nemendur geta haft samband við staðarumsjónarmann ef neyðartilfelli koma upp sem varða húsnæði skólans. Hafa skal samband við Neyðarlínuna 112 vegna veikinda og slysa.
• Nemendagarðar - Sjá vefsíðu Nemendagarða
• Húsnæði fyrir nemendur í staðlotum. Flestar staðlotur í ferðamálafræðideild og í fiskeldis- og fiskalíffræðideild fara fram á Hólum í Hjaltadal en eru stundum skipulagðar annarrs staðar á landinu. Þær upplýsingar fá nemendur þegar þeir hefja nám við deildirnar. Nemendum stendur til boða að leiga íbúðir í staðlotum á Hólum af Nemendagörðum. Nánari upplýsingar eru á vefsíðu Nemendagarða.

• Leikskólar - Það er leikskóli á Hólum - Leikskólinn Tröllaborg.
• Matvöruverslanir eru á Sauðárkróki og á Hofsósi.
• Sundlaugar eru í Varmahlíð, á Sauðárkróki og í Hofsósi.
• Við Hóla í Hjaltadal er mikið af reiðvegum og gönguleiðum.
• Heilsugæsla og sjúkrahús HSN er á Sauðárkróki.
• Bókasafn er á Sauðárkróki.
• Upplýsingar um þjónustu Sveitafélagsins Skagafjörður.
• Strætó nr. 57 fer á milli Reykjavíkur og Akureyrar með viðkomu á Sauðárkróki og í Varmahlíð. Aðrar almenningasamgöngur eru ekki í Skagafirði.
• Ýmis afþreying í Skagafirði Home of the North Visit Skagafjordur.