Kóresk fræði - Aukagrein
![](https://www.hi.is/sites/default/files/styles/n__n_mslei__-_skrautmynd/public/ame18/kri_herferd22_boksala_211207_002_.jpg?itok=Vd97ZGEH)
![](https://www.hi.is/sites/default/files/styles/n__n_mslei__-_skrautmynd/public/ame18/kri_herferd_220128_006_0.jpg?itok=upNS9jzH)
Kóresk fræði
Aukagrein – 60 einingar
Aukagrein er í Kóreskum fræðum er í senn spennandi og áhugavert nám sem opnar þér sýn inn í málnotkun og menningu Kóreu. Heimspeki Asíu er partur af náminu.
Skipulag náms
- Haust
- Kóreska I
- Kóresk málnotkun I
- Kóreskt samfélag og menning
- Vor
- Kóreska II
- Kóresk málnotkun II
- Nútímasaga Austur-AsíuE
- EinstaklingsverkefniV
Kóreska I (KOR101G)
Um er að ræða inngangsnámskeið í kóresku máli fyrir byrjendur. Markmiðið er að ná grundvallartökum á öllum þáttum kóresks máls. Áherslan verður á ritað mál og talmál. Kynnt verða til sögunnar ýmis viðfangsefni kóreskrar menningar til að auka skilning á málinu. Kennsla fer fram á ensku og kóresku.
Kóresk málnotkun I (KOR102G)
Um er að ræða inngangsnámskeið í kóreskri málnotkun. Markmiðið er að gera stúdentum kleift að skilja talmál og geta tjáð sig um viðfangsefni daglegs lífs á kóresku. Lögð er áhersla á gagnvirka kennsluhætti og virk þátttaka nemenda er skilyrði þess að ná góðum árangri í námskeiðinu.
Þótt námskeiðið sé ætlað byrjendum er mælt með því að taka það samhliða námskeiðinu Kóreska I, þar eð gert er ráð fyrir forkunnáttu sem lýtur að ritmálinu. Kennt verður á kóresku.
Kóreskt samfélag og menning (KOR103G)
Námskeiðið er ætlað sem kynning á kóresku samfélagi og menningu. Markmið þess er að veita nemendum grunnþekkingu á sögu, trúarbrögðum og heimspeki Kóreu og að bjóða upp á innsýn í nútíma kóreskt samfélag með því að kanna efni eins og ríki, fjölskyldu, kyn og fólksflutninga og ræða þau með gestafyrirlesurum eða öðrum viðeigandi einstaklingum.
Kóreska II (KOR201G)
Um er að ræða grunnnámskeið í kóresku máli fyrir þá sem hafa lokið námskeiðinu Kóreska I. Markmið námskeiðsins er að gera nemendum kleift að þróa með sér alhliða færni í málskilningi, tjáningu, lesskilningi og ritun og móta traustan grunn fyrir frekara kóreskunám. Áherslan verður á bæði rit- og talmál og fjallað verður um ýmis viðfangsefni kóreskrar menningar til að ná betri tökum á málinu. Kennt verður á ensku og kóresku.
Kóresk málnotkun II (KOR202G)
Námskeið þetta er inngangsnámskeið í kóreskri málnotkun fyrir þá sem lokið hafa Kóreskri málnotkun I. Miðað er að því að gera nemendum kleift að skilja talað mál og taka þátt í eðlilegum samræðum á kóresku. Lögð er áhersla á gagnvirka kennsluhætti og virk þátttaka nemenda er skilyrði þess að ná góðum árangri í námskeiðinu. Kennt verður á kóresku.
Nútímasaga Austur-Asíu (JAP413G)
Asía er stærst heimsálfanna og þar búa u.þ.b. tveir af hverjum þremur jarðarbúum. Asía hefur einnig í auknum mæli fest sig í sessi sem þungamiðja í efnahagslegum skilningi þar sem Kína, Japan og Indland eiga öll sæti á listanum yfir fimm stærstu efnahagveldi heims. Á sama tíma ríkir vaxandi spenna í álfunni sem m.a. skýrist af vígbúnaðarkapphlaupi kjarnorkuríkjanna, fjölda landamæradeilna, undiröldu þjóðernishyggju, eigna- og tekjuójöfnuði, sem og yfirvofandi umhverfis- og loftslagsvanda á stórum svæðum. Markmið námskeiðsins er að gefa nemendum breiða sýn á sameiginlega sögu og samskipti ríkjanna í Austur-Asíu frá miðri 19. öld til dagsins í dag. Megináhersla verður lögð á Japan, Kína og Suður-Kóreu.
Á námskeiðinu verður farið yfir: kynningu á löndum, menningarsvæðum og öðrum svæðaskiptingum innan Asíu, nýlenduvæðingu og sjálfstæðisbaráttu, heimsstyrjaldirnar og kalda stríðið í Austur-Asíu, hlutverk Bandaríkjanna í álfunni, alþjóða- og svæðasamstarf (ASEAN, APEC, ADB), aukið vægi Kína og Indlands. Á námskeiðinu verður einnig farið yfir ýmis brýn mál í samtímanum allt frá „soft power“ stefnu til norðurslóðaáherslu Austur-Asíuríkjanna.
Einstaklingsverkefni (KOR203G)
10 eininga einstaklingsverkefni er sjálfstætt verkefni sem er ákvarðað í samráði við umsjónarkennara.
Hafðu samband
Skrifstofa Hugvísindasviðs
Aðalbygging, 3.hæð - Sæmundargötu 2
Sími: 525 4400
Netfang: hug@hi.is
Skrifstofan er opin virka daga frá kl 10:00–12:00 og 13:00–15:00.
Nemendur á Hugvísindasviði geta einnig nýtt sér Þjónustuborð á Háskólatorgi. Hægt er að nálgast upplýsingar í netspjalli hér á síðunni.
![Háskóli Íslands - aðalbygging](https://www.hi.is/sites/default/files/styles/n__n_mslei__-_hafa_samband/public/ame18/_kri0915_4_0_0.jpg?itok=SkOeZDNr)
Hjálplegt efni
Ertu með fleiri spurningar? Hér finnurðu svör við ýmsum þeirra og upplýsingar um ýmislegt annað sem gott er að hafa í huga þegar þú velur nám.