Vestmannaeyjar

Stofnun rannsóknasetra Háskóla Íslands hóf starfsemi á ný í Vestmannaeyjum 1. júní 2020. Dr. Filipa Samara, hvalasérfræðingur, hefur verið ráðin í ársverkefni sem akademískur sérfræðingur við háskólann.

Rannsóknir Filipu snúa einkum að háhyrningum, hegðun, hljóðum og ferðum þeirra. Filipa þekkir vel til Vestmanneyja þar sem hún og rannsóknahópur hennar, með stuðningi verkefnastyrks Rannís, hafa unnið rannsóknir sínar út frá Vestmannaeyjum sl. sumur. Meðan á því verkefni stóð var Filipa í stöðu sérfræðings við Hafrannsóknastofnun. Filipa og samstarfsfólk hennar hefur aðsetur í Þekkingarsetri Vestmannaeyja. 

Verkefnið verður hluti af Stofnun rannsóknasetra Háskóla Íslands næsta árið. Unnið er að því að tryggja fjármögnun starfseminnar Í Vestmannaeyjum til frambúðar svo hægt verði að setja á fót sjálfstætt Rannsóknasetur Háskóla Íslands í Vestmannaeyjum.

• Rannsóknir á háhyrningum
• Hypmo verkefnið
• "Vistfræðilegir og félagslegir drifkraftar hljóðmyndanna í samskiptum háhyrninga".

2020

• Selbmann A, Deecke VD, Fedutin ID, Filatova OA, Miller PJO, Svavarsson J and Samarra FIP (2020). A comparison of Northeast Atlantic killer whale (Orcinus orca) stereotyped call repertoires. Marine Mammal Science, doi: 10.1111/mms.12750