Umsóknarfrestir fyrir umsóknir um Erasmus+ styrki til starfsþjálfunar eru tveir, 15. maí og 15. nóvember ár hvert (eða næsta virka dag ef umsóknarfrestur er á almennum frídegi). Umsóknarfrestur fyrir dvalir sem hefjast á haustmisseri: 15. maí Umsóknarfrestur fyrir dvalir sem hefjast vor og sumar: 15. nóvember Umsóknir sem berast fyrir frest fá forgang. Tekið er við umsóknum eftir umsóknarfresti sem er þá svarað jafn óðum, og styrkjum er þá úthlutað ef nægt fjármagn er til. Æskilegt er að umsóknir berist til Alþjóðasviðs minnst 8 vikum fyrir áætlaða brottför og umsóknum sem berast innan 6 vikna frá áætlaðri brottför verður synjað. Nemendur sem eru að brautskrást verða að sækja um styrkinn eigi síðar en tveimur mánuðum fyrir brautskráningu. Ekki er tekið á móti umsóknum um styrkinn ef sótt er um eftir þann frest. Sótt er um styrkinn til Alþjóðasviðs. Einnig þarf tengiliður deildar/námsgreinar að gefa samþykki sitt fyrir starfsþjálfuninni. Það er gert við undirritun starfsþjálfunar námssamningsins sem er fylgiskjal með umsókninni um styrkinn. Nemendur sem hyggja á starfsþjálfun þurfa að sinna árlegri skráningu líkt og aðrir nemendur og greiða skráningargjald við HÍ. Hægt er að skrá sig án þess að velja námskeið fyrir komandi skólaár og er starfsþjálfunarnemum ráðlagt að gera það. Nemendur sem hyggja á starfsþjálfun eftir útskrift eru undanþegnir þessu. Skilyrði Fyrir lengri dvalir (2-12 mánuðir) verða grunnnemar að vera skráðir í námsleið sem er að minnsta kosti 90 ECTS einingar og verða að hafa lokið 60 ECTS einingum fyrir brottför. Framhaldsnemar verða að vera í að minnsta kosti 60 ECTS eininga námsleið og búnir með 30 ECTS einingar fyrir brottför. Nemendur sem stefna á framhaldsnám á sömu námsleið og í grunnnámi eru undanþegnir kröfunni um 30 loknar einingar. Fyrir styttri dvalir (5-30 dagar) verða grunnnemar að vera skráðir í námsleið sem er að minnsta kosti 90 ECTS einingar og verða að hafa lokið 30 ECTS einingum fyrir brottför. Framhaldsnemar verða að vera í að minnsta kosti 60 ECTS eininga námsleið. Engar kröfur eru um loknar einingar. Í styttri dvölum er skylda fyrir grunn- og meistaranema að hafa einhvern rafrænan hluta sem skipulagður er af móttökustofnun. Nemandi sem tekur þátt í blandaðri námsdvöl, þar sem hluti fer fram sem á netinu, getur einungis fengið styrk vegna þess hluta sem fer fram á staðnum hjá gestastofnun erlendis. Nemendur verða að vera skráðir við HÍ og samþykktir í námið áður en fyrirhuguð námsdvöl hefst og hafa greitt skráningargjöld við skólann. Meistaranemar sem ekki eru með neinar einkunnir á meistaranámsferli verða að skila inn námsferilsyfirliti (einkunnum) úr grunnnámi með umsókn. Grunn- og meistaranemar verða að vera með meðaleinkunn 6,0 eða hærri til að eiga möguleika á styrk. Hægt er að sækja um undanþágu frá þessari reglu til Alþjóðasviðs. Undanþága getur t.d. verið ef nemandi á við námsörðugleika að stríða. Deild þarf að veita samþykki fyrir námsdvöl erlendis. Dvölin þarf að vera metin sem hluti af náminu við HÍ, ýmist í formi eininga eða skráð í skírteinisviðauka. Undantekning er ef um er að ræða dvöl eftir brautskráningu. Nemendur verða að ræða mat á dvöl við sína deild. Starfsþjálfun þarf að tengjast námi umsækjanda Ekki þarf að vera samningur milli HÍ og gestastofnunar en móttökustofnun þarf að vera í þátttökulandi Erasmus+. Ekki er hægt að fá Erasmus+ starfsþjálfunarstyrk til að taka þátt í námskeiðum. Nemandi getur fengið styrk oftar en einu sinni á meðan á háskólanámi stendur, t.d. fyrir skiptinámi, starfsþjálfun og/eða stökum námskeiðum. Heildarfjöldi styrktra mánaða í Erasmus+ getur þó ekki farið umfram 12 mánuði á hverju námsstigi. Grunn- og meistaranemar geta einungis hlotið einn styrk fyrir styttri dvöl á skólaári. Doktorsnemar geta hlotið einn styrk fyrir styttri dvöl á misseri og að hámarki fimm yfir námsferilinn. Nemandi getur ekki farið styttri dvöl meðan á annarri skiptinámsdvöl eða starfsþjálfunardvöl sem skipulögð er í gegnum Alþjóðasvið stendur. Ef ferðast er frá landi öðru en Íslandi er nemanda skylt að upplýsa Alþjóðasvið um það. Ferðastyrkur reiknast miðað við ferðalag nemanda frá því landi sem ferðast er en að hámarki er hægt að veita upphæð sem jafnast á við þann styrk sem veittur hefði verið ef ferðast hefði verið frá Íslandi. Ekki er hægt að styrkja námsdvöl sem fer fram í sama landi og nemandi er búsettur í. Almennt er miðað við að nemendur séu í fullri vinnu í starfsþjálfuninni miðað við vinnutíma móttökustofnunar. Nemendur í örnámi geta ekki sótt um námsdvöl erlendis. Umsóknarferlið Undirbúningur Þú byrjar á að kynna þér vel skilyrði fyrir starfsþjálfun Starfsþjálfun þarf alltaf að tengjast náminu þínu og þú getur rætt mögulegt námsmat við deildina þína Þú finnur móttökustofnun og ákveður í hversu langan tíma dvölin er áætluð Umsóknin Þú fyllir út rafræna umsókn Umsókn um Erasmus+ starfsþjálfunarstyrk Fylgiskjöl með umsókn: Skannað einkunnayfirlit (ekki meira en mánaðargamalt) Starfsþjálfunar námssamningur (Learning Agreement for Traineeship) - Þarf að vera undirritaður af tengilið deildar/námsgreinar að lágmarki. - Undirskrift móttökuaðila má koma síðar. - Sjá leiðbeiningar um námssamning í plúsnum hér að neðan. Einnig er hægt að sækja um viðbótarstyrki úr Erasmus+ áætluninni í rafrænu umsókninni. Með því að senda inn umsókn gefur þú Alþjóðasviði leyfi til þess að nota þær upplýsingar sem gefnar eru upp í umsókninni og koma fram á fylgigögnum við úrvinnslu umsóknarinnar. Þessar upplýsingar eru geymdar ótímabundið. Úrvinnsla umsókna Alþjóðasvið getur tekið allt að fjórar vikur að vinna úr umsóknum. Nemendur fá upplýsingar um styrkúthlutun í tölvupósti. Eftir að umsókn um styrk hefur verið samþykkt: Þú klárar að fylla út starfsþjálfunar námssamning og færð undirskrift frá móttökustofnun Fullundirrituðum samningi er svo skilað til Alþjóðasviðs að lágmarki einum mánuði fyrir brottför. Nemendur fá þá sendan styrksamning og yfirlýsingu skiptinema sem skila þarf til Alþjóðasviðs. Við heimkomu Nemandi og móttökustofnun fylla út staðfestingu á dvöl (After the Mobility) og skila til Alþjóðasviðs. Nemandi svarar einnig lokaskýrslu Erasmus+ sem er send í tölvupósti. Námssamningur - leiðbeiningar Mikilvægt er að fylla námssamninginn rétt út svo ferlið taki skemmri tíma. Fylla þarf út í alla reiti nema annað sé tekið fram Table A Aðeins þarf að fylla inn upplýsingar um “virtual component” ef hluti þjálfunar er rafrænn (fer fram í gegnum netið) Monitoring plan: hvernig móttökustofnun mun fylgjast með þjálfun og starfi starfsþjálfunarnema Evaluation plan: hvernig starf starfsþjálfunarnema verður metið af móttökustofnun. T.d. mun starfsþjálfunarnemi fá endurgjöf vikulega á fundum með yfirmanni ofl. Má einnig vera tengt námi nemanda í HÍ, eins og fundur með leiðbeinanda. Tungumálakunnátta: skrá hvert tungumál þjálfunarinnar er og sjálfsmat á kunnáttu nemanda. A1 er verst, C2 er best. Table B Nemandi fyllir út í samráði við alþjóðatengilið deildar í HÍ Aðeins á að velja eitt box eftir því hvað á við dvölina (1, 2 eða 3) og ekki fylla inn upplýsingar í boxum sem eiga ekki við Dvölin getur verið: embedded in the curriculum (starfsþjálfun er skylda sem hluti af gráðu) voluntary (starfsþjálfun er ekki skylda heldur frjálst val nemanda) recent graduate (starfþjálfun er farin eftir útskrift) Tryggingar: Nemendur verða að hafa sjúkratryggingu, sem og slysa- og ábyrgðartryggingu á vinnustað. o HÍ sér ekki um tryggingar nemanda og því verða nemendur að haka við „No“ þegar spurt er hvort sending institution útvegi tryggingar o Ef móttökuaðili veitir starfsnema ekki slysa- og/eða ábyrgðartryggingu á vinnustað verða nemendur sjálfir að sjá um að útvega sér slíka o Nemendur fá frekari upplýsingar um tryggingar í tölvupósti ef umsókn er samþykkt Nemendur skulu haka við „No“ í Europass mobility document, nema nemendur vilji sjálfir útbúa slíkt skjal Table C Nemandi fyllir inn upplýsingar samkvæmt leiðbeiningum móttökustofnunar Undirskriftir Starfsþjálfunar námssamningurinn verður að vera undirritaður af: - Nemanda - Alþjóðatengilið í HÍ - Móttökuaðila - Móttökuaðili þarf ekki að vera búinn að undirrita þegar nemandi sendir inn umsókn um styrk Námssamningur - Nánari leiðbeiningar facebooklinkedintwitter
