Viðburðir á Heilbrigðisvísindasviði

Á Heilbrigðisvísindasviði er haldið upp á framgang eða ráðningu nýrra prófessora með sérstökum kynningarfyrirlestri. Dagskráin fer þannig fram að forseti Heilbrigðisvísindasviðs byrjar á stuttu yfirliti yfir bakgrunn viðkomandi prófessors. Prófessorinn tekur svo við og flytur erindi um helstu störf sín og framtíðarsýn í kennslu og rannsóknum. Boðið er upp á léttar veitingar í lok dagskrár og þá gefst tækifæri til þess að spjalla og gleðjast með hinum nýja prófessor.

Tilgangur kynningarfyrirlestranna er að vekja athygli á nýjum prófessorum, að auka tengsl og samstarf innan skólans og að hefja prófessorsstarfið til vegsemda.

Heilbrigðisvísindasvið stendur fyrir ráðstefnu um rannsóknir í líf- og heilbrigðisvísindum annað hvert ár. Ráðstefnunni er ætlað að miðla því sem er efst á baugi í líf- og heilbrigðisvísindum hverju sinni og stuðla að þverfræðilegu samstarfi.

Á ráðstefnunni hefur farið fram kynning á allt að 300 rannsóknum sem ná yfir flest fræðasvið líf- og heilbrigðisvísinda. Ráðstefnan er ókeypis og öllum opin.

Sjá nánar á heimasíðu ráðstefnunnar.

Heilbrigðisvísindasvið hefur staðið fyrir ráðstefnu sem er tileinkuð nýsköpun í heilbrigðisvísindum annað hvert ár síðan 2013. Þar gefst vísindafólki innan Háskólans og utan tækifæri til þess að hittast og kynna verkefni sín. Ráðstefnan er opin og öllum og ókeypis.

Á Heilbrigðisvísindasviði er fjöldi tilfallandi viðburða, svo sem fyrirlestrar, málþing og vinnustofur. Sviðið tekur einnig þátt í miðlægum viðburðum í Háskóla Íslands, svo sem Háskóladegi, Háskóla unga fólksins, Háskólahermi, Hátíð brautskráðra doktora o.s.frv. Deildir Heilbrigðisvísindasviðs standa einnig fyrir eigin viðburðum.

Upplýsingar um hvaða viðburðir eru á döfinni á Heilbrigðisvísindasviðið hverju sinni má finna í viðburðadagatali Háskólans.