Sýn stjórnenda og starfsfólks leik- og grunnskóla á góða vinnustaðamenningu

Á málþinginu verður rætt um niðurstöður nýrrar rannsóknar um reynslu kennara og stjórnenda í leik- og grunnskólum þar sem vel gengur.

Valdir voru til þátttöku skólar sem hafa áður fengið góðar niðurstöður í starfmannakönnunum um starfsánægju, samskipti, stjórnun og skólamenningu.

Niðurstöður nýju rannsóknarinnar varpa ljósi á árangursríkar leiðir til að styðja við vellíðan kennara í starfi og góða vinnustaðamenningu í skólum. Sérstök áhersla verður á samtal um niðurstöðurnar og um leiðir til að nýta þær til hagsbóta fyrir starf skóla hér á landi.

Dagskrá:

Tónlistaratriði

Kolbrún Þ. Pálsdóttir, sviðsforseti Menntavísindasviðs Háskóla Íslands, fundarstjóri setur málþingið

Sýn kennara og stjórnenda á góða skólamenningu í leik- og grunnskólum. Dr. Anna Magnea Hreinsdóttir, lektor Menntavísindasviði og Dr. Sigrún Gunnarsdóttir, prófessor Félagsvísindasviði kynna niðurstöður nýrrar rannsóknar um sýn kennara og stjórnenda á góða skólamenningu í leik- og grunnskólum þar sem vel gengur.

Kl. 15. Hvernig getum við nýtt niðurstöðurnar? Björn Gunnlaugsson skólastjóri Laugarnesskóla stýrir samtali fulltrúa kennara og fulltrúa stjórnvalda um spurninguna: Hvernig getum við nýtt niðurstöður rannsóknarinnar til að styðja leik- og grunnskóla hér á landi? Þátttakendur: Magnús Þór Jónsson, formaður Kennarasambands Íslands, Heiða Björg Hilmarsdóttir, formaður stjórnar Sambands íslenskra sveitarfélaga, Silja Kristjánsdóttir, grunnskólakennari og deildarstjóri nemendamála og mannauðs í Sjálandsskóla og Hjördís Símonardóttir leikskólakennari og deildarstjóri.

Kl. 15:45. Hvernig getum við styrkt góða skólamenningu og vellíðan kennara? Hanna Sigríður Gunnsteinsdóttir, forstjóri Vinnueftirlitsins, dregur saman efni málþingsins.

16. Málþingi slitið Kolbrún Þ. Pálsdóttir, sviðsforseti Menntavísindasviðs Háskóla Íslands, slítur málþinginu.