Kynningarfyrirlestur - Lárus S. Guðmundsson

Fimmtudaginn 28. nóvember mun Lárus S. Guðmundsson, prófessor flytja sinn kynningarfyrirlestur við Lyfjafræðideild Háskóla Íslands í stofu 201, Læknagarði kl. 15:00 - 16:00. Allir velkomnir, boðið verður upp á veitingar í lokin.

Lárus stundaði doktorsnám við Læknadeild HÍ á árunum 2006-2010 og útskrifaðist með doktorspróf í líf- og læknavísindum. Verkefnið fjallaði um samband mígrenis, blóðþrýstings og bólgusvars við hjarta- og æðasjúkdóma. Lárus tók þátt í stofnun FEDON, Félag doktorsnema og Nýdoktora við Háskóla Íslands og sat í stjórn félagsins. Að loknu doktorsnámi fór Lárus til Bethesda í Maryland í Bandaríkjunum og vann við rannsóknir við National Institute on Aging / National Institutes of Health og Uniformed Services University of the Health Sciences. Þar rannsakaði hann höfuðáverka en einnig samband mígrenis, þunglyndis og heilastærðar.