Vinnustofa um rannsóknir á farsæld barna
![Vinnustofa um rannsóknir á farsæld barna - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_byggingar_HI_200408_005.jpg?itok=YcSy-Zss)
Stakkahlíð / Háteigsvegur
H-207
Þann 1. janúar 2022 tóku gildi ný lög um samþættingu þjónustu í þágu farsældar barna, en með farsæld er vísað til aðstæðna sem skapa börnum skilyrði til að ná líkamlegum, sálrænum, vitsmunalegum, siðferðilegum og félagslegum þroska og heilsu á eigin forsendum til framtíðar.
Markmið með þessari vinnustofu er að hefja samtal meðal þeirra sem vinna að rannsóknum sem tengjast farsæld barna. Á fundinum verða nokkrar stuttar kynningar frá aðilum sem hafa verið að taka saman gögn og upplýsingar sem tengjast farsæld barna. Við viljum velta fyrir okkur eftirfarandi spurningum: Hvað er átt við með farsæld barna? Er hægt að mæla farsæld barna? Hvaða gögn eru til um farsæld barna? Hvaða rannsóknir er verið að vinna um farsæld barna? Hvar er þörf fyrri frekari rannsóknir?
Allir eru velkomnir á vinnustofuna. Við vonumst til að sjá sem flesta.