Útgáfuhóf: Brotin kona eftir Simone de Beauvoir

STUTT - rannsóknastofa í smásögum og styttri textum, Stofnun Vigdísar Finnbogadóttur í erlendum tungumálum og franska sendiráðið bjóða til hófs í tilefni af útgáfu smásagnasafnsins Brotin kona (La Femme rompue) eftir Simone de Beauvoir í þýðingu Jórunnar Tómasdóttur (1954–2023).

Kynningin verður haldin í Auðarsal í Veröld, fimmtudaginn 10. október klukkan 17:00-18:00.

Dagskrá

Petrína Rós Karlsdóttir mun segja frá störfum Jórunnar í þágu erlendra tungumála. Jórunn var formaður STÍL, kennari og verkefnastjóri Stofnunar Vigdísar Finnbogadóttur í erlendum tungumálum. Ásdís R. Magnúsdóttir kynnir verkið og þýðinguna og Rebekka Þráinsdóttir les valda kafla úr sögunum þremur.

Franska sendiráðið og Stofnun Vigdísar Finnbogadóttur bjóða upp á léttar veitingar.

Stofnun Vigdísar Finnbogadóttur stóð að útgáfunni í samstarfi við Háskólaútgáfuna.

Irma Erlingsdóttir, prófessor við Mála- og menningardeild HÍ, ritaði inngang bókarinnar og Ásdís R. Magnúsdóttir, prófessor í frönsku máli og bókmenntum við Mála- og menningardeild HÍ, ritstýrði bókinni.

Hjartanlega velkomin!

STUTT - rannsóknastofa í smásögum og styttri textum

Stofnun Vigdísar Finnbogadóttur í erlendum tungumálum

Sendiráð Frakklands á Íslandi