Þverfagleg samvinna Grikkja og Íslendinga í rannsóknum
![Þverfagleg samvinna Grikkja og Íslendinga í rannsóknum - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_sumar_haskolatorg_200609_001.jpg?itok=MrRjRtkb)
Aðalbygging
Stofa 220
Þriðjudaginn 10. október 2023 verður haldið málþing í Háskóla Íslands, þar sem leiddir verða saman Grikkir og Íslendingar og fjallað um núverandi samstarf og mögulega samvinnu þessara þjóða til framtíðar á sviði rannsókna. Að málþinginu standa Agricultural University of Athens (AUA) í Aþenu, Grikklandi, og Háskóli Íslands.
Eftir kynningu á háskólunum tveimur verður fjallað um Vatnatilskipun Evrópusambandsins, sem bæði löndin hafa innleitt. Uppbyggingarsjóður EES, sem var stofnaður í þeim tilgangi að vinna gegn efnahags- og félagslegri mismunun í þeim ríkjum sem aðstoðina þiggja, verður kynntur en Grikkir hafa verið öflugir í að afla sér styrkja úr sjóðnum.
Á málþinginu verða kynnt þverfagleg rannsóknarverkefni sem unnin eru í samvinnu Grikkja og Íslendinga, styrkt af Uppbyggingasjóði EES, auk þess sem kynntar verða margvíslegar rannsóknir í jarðfræði, líffræði og verkfræði sem ýmist eru unnar við HÍ eða AUA, og geta hæglega orðið vettvangur frekari samvinnu ríkjanna.
Málþingið fer fram á ensku og verður haldið kl. 13–17 í stofu A 220 á annarri hæð í Aðalbyggingu HÍ þriðjudaginn 10. október. Allir velkomnir.
Þriðjudaginn 10. október 2023 verður haldið málþing í Háskóla Íslands, þar sem leiddir verða saman Grikkir og Íslendingar og fjallað um núverandi samstarf og mögulega samvinnu þessara þjóða til framtíðar á sviði rannsókna. Að málþinginu standa Agricultural University of Athens (AUA) í Aþenu, Grikklandi, og Háskóli Íslands.
![Þverfagleg samvinna Grikkja og Íslendinga í rannsóknum](https://www.hi.is/sites/default/files/styles/mynd___kassa_fyrir_fr_ttir_/public/vidburdir/pgggq.jpg?itok=TWAHwCeK)