Leitin að lokaviðmiðinu. Af hverju gildiskeðjan þarfnast endurskoðunar.

Fjöldi kenninga í réttarheimspeki lýtur að svokallaðri gildiskeðju lagareglna. Kjarninn í þessum kenningum er sá að allar lagareglur leiði lagagildi sitt á endanum af einhverju æðra viðmiði eða lokaviðmiði sem er við enda gildiskeðjunnar. Þekktar kenningar af þessum meiði eru t.d. viðurkenningarregla H.L.A. Hart (e. the rule of recognition) og grunnviðmið Hans Kelsen (þ. Grundnorm). Í erindi Hafsteins Dan Kristjánssonar, lektors við Lagadeild HÍ, verður þessi sýn á lögin gagnrýnd og færð rök fyrir því að skýra beri gildi lagareglna og gildiskeðjuna á annan hátt en eldri kenningar hafa gert. Innleggið byggir á erindi sem Hafsteinn Dan hélt áður við Cambridge háskóla.

Viðburðurinn er á vegum Lagastofnunar Háskóla Íslands.