Ísland sem vænlegt verslunarland í alþjóðlegri verslun Danaveldis
![Ísland sem vænlegt verslunarland í alþjóðlegri verslun Danaveldis - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/margret_gunnarsdottir_litur_l.jpg?itok=-bLhLcgx)
Árnagarður
Stofa 422
Margrét Gunnarsdóttir, sagnfræðingur og sérfræðingur í þjóðlendurannsóknum á Þjóðskjalasafni Íslands, heldur fyrirlestur í Málstofu í félags- og hagsögu sem nefnist Ísland sem vænlegt verslunarland í alþjóðlegri verslun Danaveldis: Opinber umræða um afnám einokunar 1770-1772.
Málstofan verður í stofu 422 í Árnagarði, þriðjudaginn 17. október kl. 16:00–17:00. Verið öll velkomin.
Í fyrirlestrinum verður sagt frá hugmyndum um nýtt hlutverk Íslands sem verslunareyju í alþjóðlegu verslunarkerfi Danaveldis á síðari hluta átjándu aldar. Dregin eru fram skrif um Ísland á árunum 1770–1772 en þá var tjáningarfrelsi við lýði og frjáls skoðanaskipti fjörug í Kaupmannahöfn. Ýmsir, bæði Danir og Íslendingar, komu fram á ritvöllinn og kynntu nýstárlegar hugmyndir um afnám einokunarverslunar. Fjallað verður um ólík sjónarmið um útfærslu frjálsara verslunarkerfis, einkum hugmyndir danska hagspekingsins og ritara Landbústjórnarfélagsins Christian Martfelts og guðfræðingsins Ove-Høegh Guldbergs, sem varð ári síðar valdamesti maður danska ríkisins í rúman áratug.
Margrét Gunnarsdóttir, sagnfræðingur og sérfræðingur í þjóðlendurannsóknum á Þjóðskjalasafni Íslands.
![Ísland sem vænlegt verslunarland í alþjóðlegri verslun Danaveldis](https://www.hi.is/sites/default/files/styles/mynd___kassa_fyrir_fr_ttir_/public/vidburdir/6jjw2.jpg?itok=O7DRXOO9)