Málstofa um gervigreind og persónuvernd

Lagastofnun Háskóla Íslands stendur fyrir málstofu á sviði persónuverndarréttar um gervigreind og áhrif hennar á vernd persónuupplýsinga. Málstofan fer fram miðvikudaginn 7. febrúar nk.

Þar fjallar Hörður Helgi Helgason lögmaður um áskoranir sem þróun, innleiðing og notkun gervigreindar skapar gagnvart persónuverndarlöggjöfinni og hvert stefnir í því sambandi.

Þá fjallar Helga Þórisdóttir forstjóri Persónuverndar um hvernig álitaefni um notkun gervigreindar birtast í framkvæmd stofnunarinnar í dag. Fundarstjóri er Björg Thorarensen hæstaréttardómari. Málstofan verður haldin í stofu 101 í Lögbergi, Háskóla Íslands, og stendur frá kl. 13-14.