Um hlutlægni og huglægni: tilraun til heimspekihugsunar á íslensku
![Um hlutlægni og huglægni: tilraun til heimspekihugsunar á íslensku - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/ssvava01.jpeg?itok=zOTywoTo)
Aðalbygging
Stofa 220
Sigrún Svavarsdóttir flytur fyrirlestur í heimspeki sem hún nefnir Um hlutlægni og huglægni: tilraun til heimspekihugsunar á íslensku. Fyrirlesturinn fer fram í stofu 220 í Aðalbyggingu HÍ þann 16. febrúar kl. 15:00-16:30.
Vorið 2023 stendur Heimspekifstofnun fyrir röð rannsóknarfyrirlestra í heimspeki. Fyrst í röð fyrirlesara er Sigrún Svavarsdóttir, sem er nú dósent við Tufts University í Bandaríkjunum en hefur starfað víða í Bandaríkjunum. Sigrún hefur sérhæft sig í siðspeki, þ.e. undirstöðum siðfræðinnar, og er meðal fremstu og áhrifamestu fræðimanna í heiminum á sínu sviði. Fyrirlestur Sigrúnar fjallar um huglægni og hlutlægni og er fyrirlesturinn á íslensku að þessu sinni. Öll velkomin.
Titill og útdráttur
Ætlun mín er að sannfæra ykkur um að háfleygt tal um hlutlægan og huglægan sannleika er ruglingslegt og maður á að umgangast það af varfærni. Það liggur háski í þessum orðfærum, háski á að ruglast í ríminu og enda með orðin tóm. En ég er nú samt á því að það sé mikilvægt að hugsa grannt um og skýra greinarmuninn á hlutlægni og huglægni. Þessi fyrirlestur er lítið framlag til þessa stóra verkefnis.
Sigrún Svavarsdóttir, dósent við Tufts University í Bandaríkjunum.
![Um hlutlægni og huglægni: tilraun til heimspekihugsunar á íslensku](https://www.hi.is/sites/default/files/styles/mynd___kassa_fyrir_fr_ttir_/public/vidburdir/qbbdr.jpg?itok=uJNa0Gxe)