Örþing um fjarnám - Hvert stefnum við?
![Örþing um fjarnám - Hvert stefnum við? - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_haskolinn_181005_005.jpg?itok=USVmkylz)
Lögberg
Stofa 101
Örþing kennslunefndar um framtíð fjarnáms á Félagsvísindasviði.
Í ljósi reynslu síðustu tveggja ára af kennslu með stafrænum miðlum, og markmiða HÍ, býður Kennslunefnd Félagsvísindasviðs öllum kennurum sviðsins til samtals um þróun fjarnáms.
Í stefnu Háskóla Íslands 2021-2026 segir meðal annars:
"Kennsluhættir og námsframboð verði í sífelldri þróun og burðarstólpi í gæðastarfi skólans með námsánægju og gæði að leiðarljósi. Áhersla verði á þróun stafrænna kennsluhátta, fjarnáms og opinna netnámskeiða."
Háskóli Íslands stefnir á að byggja upp frekara fjarnám á næstunni. Kennslunefnd telur mikilvægt að raddir kennara Félagsvísindasviðs fái hljóm í mótun framtíðar skólans hvað málið varðar og boðar til örþings um málefnið. Á þinginu verða haldnar þrjár framsögur um efnið og að þeim loknum verða umræður með þátttöku framsögumanna.
Þingið fer fram í Háskóla Íslands en einnig verður boðið uppá tengingu inn á fundinn í gegnum Microsoft Teams. Boðið verður uppá kaffi og meðlæti á fundinum.
DAGSKRÁ
Opnun - Stefán Hrafn Jónsson sviðsforseti
Áætlun um þróun fjarnáms við Háskóla Íslands 2021-2026 - Steinunn Gestsdóttir aðstoðarrektor kennslu og þróunar
Tímaflakk og sjö mílna skór: Getur raunverulegt háskólanám verið óháð stað og stund? – Þóroddur Bjarnason prófessor
Kennsluhættir eru tilvistarmál háskóla – Þröstur Olaf Sigurjónsson prófessor
Umræður - Þátttakendur taka þátt í umræðum
Samantekt á erindum og umræðu - Thamar Heijstra prófessor