Sumarnám erlendis er góð leið til að öðlast alþjóðlega reynslu og taka hluta af náminu við erlendan háskóla. Það getur sérstaklega hentað nemendum sem ekki hafa tök á að fara í skiptinám í heilt misseri eða skólaár. Í sumum tilfellum er hægt að sækja um styrk til sumarnáms.
Einingamat og skilyrði
Nemendur sem vilja fá einingar úr sumarnámi erlendis metnar inn í námsferil sinn við HÍ þurfa að fá námið samþykkt af deild sinni áður en haldið er utan. Nemandi fyllir út námssamning sem viðkomandi deild samþykkir. Nemendur þurfa að vera virkir nemendur við HÍ þegar sumarnámið fer fram. Ekki er hægt að fara í sumarnám á vegum HÍ eftir brautskráningu.
Alþjóðasvið hefur milligöngu um tilnefningu nemenda í tiltekna sumarskóla.