Háskóli Íslands hefur ákveðið að opna á ný fyrir umsóknir um nám í afmörkuðum fjölda námsleiða á framhaldsstigi á vormisseri 2027. Með þessu vill skólinn koma móts við þann hóp sem nýverið hefur misst vinnuna í íslensku samfélagi og gefa honum færi á að mennta sig til nýrra tækifæra. Viðbótarumsóknarfrestur er til 30. nóvember.
Upphaflegur umsóknarfrestur um framhaldsnám á vormisseri var 15. október. Fregnir hafa hins vegar borist af fjöldauppsögnum á síðustu vikum og auknu atvinnuleysi í íslensku samfélagi. Til að bregðast við því samþykkti háskólaráð Háskóla Íslands ályktun á síðasta fundi sínum þar sem rektor var falið að heimila undanþágu frá hefðbundnum umsóknarfrestum fyrir þær deildir sem það kjósa og taka inn nemendur á vormisseri.
Með því að opna aftur fyrir umsóknir um framhaldsnám vill skólinn sýna samfélagslega ábyrgð og fjölga tækifærum fyrir fólk nú þegar kreppir að í samfélaginu.
Hægt er að sækja um framhaldsnám á vormisseri á umsóknargátt skólans fyrir 30. nóvember.
Lista yfir þær námsleiðir í framhaldsnámi sem hægt er að sækja um má finna hér að neðan.