Opnun sýningar um kjarnorkuárásirnar á Hiroshima og Nagasaki

Sýning Háskóla Íslands um kjarnorkuárásirnar á Hiroshima og Nagasaki verður opnuð með viðburði á Heimasvæði tungumálanna í Veröld, miðvikudaginn 7. október kl. 12:00-13:00. Silja Bára Ómarsdóttir, rektor Háskóla Íslands, opnar sýninguna ásamt fulltrúum japanskra samstarfsaðila og síðan heldur Teruko Yahata erindi um reynslu sína frá Hiroshima, en hún var átta ára þegar kjarnorkuárásarnar áttu sér stað. Opnunarviðburðurinn er öllum opinn.

Sýningin um kjarnorkuárásirnar á Hiroshima og Nagasaki verður haldin á neðri hæð Háskólatorgs dagana 7. október til 7. nóvember. Á sýningunni eru ljósmyndir og skýringar sem varpa ljósi á afleiðingar kjarnorkuárásanna árið 1945 og stuðla að auknum skilningi á hörmungum kjarnorkuvopna og mikilvægi friðar og afvopnunar. Opnunartíma Háskólatorgs má sjá hér.

Sýningin við Háskóla Íslands er hluti af Friðarviku í Reykjavík og sett upp í tengslum við stærri Hiroshima–Nagasaki sýningu, sem verður haldin í Ráðhúsi Reykjavíkur dagana 6. október til 1. nóvember 2026. Þar verða meðal annars sýndir munir og söguleg gögn tengd árásunum, ljósmyndir, frásagnir eftirlifenda og boðið upp á sýndarveruleikabúnað.

Skipuleggjendur:

• Háskóli Íslands
• Hiroshima-borg
• Nagasaki-borg
• Reykjavíkurborg

Samstarfsaðilar:

• Sendiráð Japans á Íslandi
• Hiroshima National Peace Memorial Hall for the Atomic Bomb Victims
• Nagasaki National Peace Memorial Hall for the Atomic Bomb Victims