Miðbiksmat í Umhverfis- og auðlindafræði - Guðmundur Steingrímsson

Heiti ritgerðar:
Hringrásarhagkerfið: Hvar, hvað og hví?

Nemandi:
Guðmundur Steingrímsson

Doktorsnefnd:
Dr. Brynhildur Davíðsdóttir, prófessor í Umhverfis- og auðlindafræði
Dr. Jón Geir Pétursson, prófessor í Umhverfis- og auðlindafræði

Ágrip:
Hringrásarhagkerfið: Hvar, hvað og hví? Hvað er hringrásarhagkerfið og hvar er það að finna? Hver er tilgangur þess? Hvernig má meta styrk þess og efla það til framtíðar? Í fyrirlestrinum eru kynntar rannsóknir úr doktorsverkefni þar sem fjallað er um hringrásarhagkerfið bæði sem framtíðarsýn og sem fyrirliggjandi veruleika. Sjónum er beint að því hvernig ýmiss konar hringrásir birtist í efnahagslífi og samfélagi, hvernig megi greina og mæla styrk þeirra og hvaða tækifæri séu til að efla þær. Rannsóknin tengir þannig saman skilning á því hvað hringrásarhagkerfið er, greiningu á birtingarmyndum þess og hvernig hægt er að nota hringrásarhagkerfið sem best til að kljást við þær umhverfislegu áskoranir sem framundan eru.