Ásdís Helgadóttir (Hún/Hennar)
Iðnaðarverkfræði-, vélaverkfræði- og tölvunarfræðideild, kennsla
Rannsóknir mínar snúast helst að tölulegum aðferðum í straumfræði. Bæði hef ég unnið að því að þróa tölulegar aðferðir og beitt þekktum tölulegum aðferðum á hagnýt viðfangsefni. Þegar ég hef hannað nýjar tölulegar aðferðir hef ég nýtt levelset til að staðsetja óreglulega jaðra og beitt blendings mismuna- og varðveisluaðferð til að setja rétt jaðarskilyrði á réttan stað. Í beitingu tölulegra aðferða á hagnýt viðfangsefni hef ég t.d. skoðað hringflæði í pípu, krapaflóð og flæði í vatnsskurðarvél. Ég hef verið leiðbeinandi í fjölda meistaraverkefna og er í doktorsnefnd nokkurra nema. Einnig hef ég skipulagt og unnið að nokkrum rannsóknum í kennslufræði háskóla. Ég var ein af 11 stofnmeðlimum Kennsluakademíu opinberu háskólanna árið 2021. Ég hef setið í stjórn Verkfræðistofnunar Háskóla Íslands frá 2015 og verið námsbrautarformaður í vélaverkfræði til nokkurra ára auk fjölda annarra stjórnunar starfa innan Háskóla Íslands.
- 2019 Viðbótardiplóma Háskóli Íslands Kennslufræði háskóla
- 2010 PhD Háskólinn í Kaliforníu í Santa Barbara Doktorspróf í vélaverkfræði
- 2007 MSc Háskólinn í Kaliforníu, Santa Barbara Meistarapróf í vélaverkfræði
- 2005 B.S. Háskóla Íslands B.S. gráða í vélaverkfræði
- 2002 Stúdentspróf Menntaskólinn í Reykjavík Stúdentspróf frá Eðlisfræðideild I