Háskóli Íslands brautskráir kandídata þrisvar á ári, í febrúar, júní og október. Afhending prófskírteina fer næst fram föstudaginn 16. október í Hátíðasal Aðalbyggingar skólans.
Nemandi sem ætlar að brautskrást þarf að skrá brautskráningarmánuð tímanlega fyrir áætlaða brautskráningu
Við brautskráningarathafnir fá kandídatar sem ljúka bakkalár- og framhaldsnámi afhent prófskírteini og viðauka með skírteini þar sem fram koma á stöðluðu formi upplýsingar um það nám sem lokið er.
Prófskírteinið er á íslensku ásamt staðfestri enskri þýðingu en viðaukinn á íslensku og ensku. Þessi gögn eru afhent kandídötum án endurgjalds.
Nemendur sem ljúka diplómaprófi sækja skírteini sín á Þjónustuborð á Háskólatorgi.
Ef kandídat er fjarverandi við brautskráningu þarf hann að nálgast þau síðar á Þjónustuborði á Háskólatorgi.
Þeim tilmælum er beint til kandídata að þeir varðveiti prófskírteini sín vel!
Hvert prófskírteini er aðeins gefið út í einu eintaki, undirrituðu af viðkomandi deildarforseta. Það er á ábyrgð skírteinishafa að varðveita prófskírteinið með öruggum hætti þannig að það glatist ekki.