Erasmus+ styrkir fyrir doktorsnema

• Í skiptinámi taka nemendur námskeið til ECTS eininga við einn af samstarfsskólum HÍ og fá einingarnar metnar.
• Aðeins er hægt að sækja um skiptinám í skóla þar sem HÍ er nú þegar með samstarfssamning á doktorsstigi.
• Miðað er við að nemendur séu í fullu námi (30 ECTS) á hverju misseri, en hægt er að vera í skiptinámi í eitt eða tvö misseri.
• Nemendur fylgja leiðbeiningum um umsóknir um skiptinám

• Doktorsnemar geta sótt um styrk til að stunda rannsóknir sem tengjast þeirra lokaverkefni hjá háskólum, fyrirtækjum eða stofnunum.
• Ekki þarf að vera samstarfssamningur á milli HÍ og móttökustofnunar, en ef heimsækja á háskóla þá verður háskólinn að vera með Erasmus+ vottun.
• Rannsóknarvinna getur bæði verið til lengri tíma (2-12 mánuðir) eða styttri dvöl (5-30 dagar).
• Nemendur fylgja leiðbeiningum um umsóknir um starfsþjálfunarstyrk.

• Doktorsnemar geta farið í hefðbundna starfsþjálfun hjá fyrirtækjum, stofnunum eða háskólum þar sem hægt er að öðlast verðmæta reynslu fyrir atvinnulífið.
• Hefðbundin starfsþjálfun getur verið til lengri tíma (2-12 mánuðir) eða styttri dvöl (5-30 dagar)
• Nemendur fylgja leiðbeiningum um umsóknir um starfsþjálfunarstyrk.

• Doktorsnemar geta sótt styttri námskeið við samstarfsskóla HÍ. Aðeins er hægt að sækja um Erasmus+ styrk fyrir námskeiði við skóla þar sem HÍ er nú þegar með samstarfssamning.
• Stutt námskeið eru 5-30 dagar í staðnámi erlendis.
• Hægt er að sækja blönduð námskeið sem eru einnig með rafrænan hluta.
• Ef námskeiðið er blandað hraðnámskeið (Blended Intensive Programme – BIP) er skylda að doktorsnemar ljúki bæði rafrænum hluta námskeiðsins og staðlotu.
• Nemendur fylgja leiðbeiningum um umsóknir um stök námskeið.

• Doktorsnemar geta sótt um Erasmus+ styrk vegna þátttöku á ráðstefnum.
• Þegar sótt er um styrk fyrir ráðstefnu þá verður nemandi að vera virkur þátttakandi með erindi eða veggspjald, og móttökustofnunin verður að vera tilbúin að taka á móti nemandanum, skrifa undir starfsþjálfunarsamning, og styðja við dvöl nemanda eins og tekið er fram í starfsþjálfunarsamningi sem er undirritaður af nemanda, HÍ og móttökuaðila.
• Dvölin verður að vera að lágmarki 5 dagar.
• Nemendur fylgja leiðbeiningum um umsóknir um stutta starfsþjálfun.

• Doktorsnemar geta brúað bilið á milli náms og starfs og sótt um að fara í Erasmus+ starfsþjálfun við háskóla, fyrirtæki, eða stofnanir eftir útskrift.
• Nemendur verða að sækja um a.m.k tveimur mánuðum fyrir útskrift.
• Nemendur geta að hámarki fengið styrk fyrir 6 mánuði og verða að byrja og ljúka dvöl innan 6 mánaða frá útskrift.
• Dvölin getur verið til lengri tíma (2-6 mánuðir) eða styttri dvöl (5-30 dagar)
• Nemendur fylgja leiðbeiningum um umsóknir um starfsþjálfunarstyrk.

Doktorsnemar geta fengið Erasmus+ styrk í allt að 12 mánuði (360 daga) á námstímanum. Hægt er að sækja um styrk oftar en einu sinni. Fyrir styttri dvöl (5-30 daga) geta doktorsnemar þó aðeins fengið styrk einu sinni á hverju misseri, og að hámarki 5 sinnum á námstímanum.

Styrkupphæðir

Upphæð styrkja fer eftir áfangastað og lengd dvalar. Upphæðir geta verið breytilegar eftir skólaárum.

• Ferðastyrkur er 309-1188 evrur
• Styrkur fyrir styttri dvalir (5-30 dagar) er 79 evrur á dag fyrstu 14 dagana, síðan 56 evrur á dag
• Styrkur fyrir lengri dvalir (2-12 mánuðir) er 550-606€ á mánuði í skiptinámi og 700-756 €  á mánuði í starfsþjálfun
• Nemendur geta einnig sótt um Erasmus+ inngildingarstyrki. Ef nemendur mæta viðmiðum Landskrifstofu Erasmus+ vegna færri tækifæra geta þeir t.d. sótt um viðbótarstyrk sem nemur 250 evrum á mánuði, eða 100/150 evrum fyrir styttri dvalir.
• Hægt er að sækja um viðbótarferðastyrk til Alþjóðasviðs ef sýnt þykir að ferðastyrkur nægi ekki fyrir 70% af ferðakostnaði, miðað við hagkvæmasta ferðamátann.
• Sýni þátttakandi fram á að aðalferðamáti ferðarinnar hafi verið vistvænn (miðað við fjölda kílómetra) er veittur hærri ferðastyrkur, frá 56-1735€.