Laus störf

Doktorsnemi í sníkjudýrafræði

Auglýst er eftir doktorsnema sem kemur til með að starfa undir handleiðslu Dr Haseeb Randhawa og Dr Björn Schäffner við Líf- og umhverfisvísindadeild Verkfræði- og náttúruvísindasviðs, Háskóla Íslands. Starfið er fjármagnað með styrk frá Rannís (Conservation of ancient relationships: Assessment of skates (Rajiformes: Rajidae) and their parasite fauna in Iceland).

Nánari upplýsingar

Starfssvið

Verkefnið miðar að því að kanna fjölbreytileika sníkjudýra í skötum á vistsvæðum sjávar við Ísland. Þekkingin mun að nýtast við mótun á útfærslu verndunaraðgerða til að varðveita þessi tengsl sníkjudýra og hýsla, sem eru í hættu. Rannsóknarmarkmiðin eru að meta fjölbreytileika sníkjudýra á skötum á svæðinu, erfðafræðilegan breytileika bæði skata og sníkjudýra þeirra, og skoða stöðu beggja hópa miðað við hættu á útdauða (IUCN red list), til að stuðla að verndun sníkjudýra og hýsils með uppfærðum verndaráætlunum. Verkefnið er samstarf á milli Háskóla Íslands og Náttúrugripasafnsins (NHM) í London. Verkefnið veitir innsýn í hvaða sjávarsníkjudýr sýkja skötur við Íslandsstrendur og þekkingin nýtist við mat á líffræðilegri fjölbreytni sjávar.

Helstu verkefni nemandans munu fela í sér (i) mat á fjölbreytileika sníkjudýra með því að nota bæði rannsóknir á lífverunum sjálfum og DNA röðum; (ii) greining á þáttum sem móta líffræðilega útbreiðslu og dreifingu sjávarsníkjudýra á íslenskum vistsvæðum; (iii) greiningu á sameindagögnum bæði úr sníkjudýrum og hýslum þeirra (skötum) með raðgreiningu stakra gena og erfðamengjaskimun með næstu kynslóðar raðgreiningu (NGS); (iv) þrívíddarmyndatökur af mótum tauga og vöðva vissra sníkjudýrategunda með flúrljómandi smásjártækni (FISH) og confocal smásjá; og (v) mat á viðmiðum IUCN fyrir hýsil-sníkjudýr í hættu á útdauða. Nemandinn mun afla hágæða gagna um lífverur og erfðasamsetningu þeirra, og leiða eða taka þátt í ritun alþjóðlegra vísindagreina og kynningum á niðurstöðum rannsóknanna á innlendum og erlendum ráðstefnum. Á tímabili verkefnisins verða gerðar greiningar á skyldleika hópa (phylogenetic analysis) og DNA barcoding, sem og myndatökur með FISH tækni á NHM, London í 12 mánuði (eða fleiri) undir eftirliti Dr. Peter Olson (NHM). Neminn verður skráður í HÍ og stundar rannsóknirnar við HÍ og NHM. Viðkomandi mun einnig öðlast dýrmæta reynslu í vísindamiðlun. Með því að framkvæma sjálfstæðar rannsóknir á þverfaglegu sviði, með því að nýta aðstöðu bæði á Íslandi og í Bretlandi getur nemandinn byggt upp rannsóknaferil, öðlast reynslu af því að birta greinar og verkefnastjórnun og umsjón nemenda. Doktorsneminn mun vera ábyrgur fyrir því að leiða rannsókna verkefnið (undir leiðsögn) til að byggja upp starfsferil, sem og yfirfæranlega færni sem nýtist fyrir margvísleg störf og verkefni.

Hæfniskröfur

Meistaragráða í sníkjudýrafræði, vistfræði, sjávarlíffræði eða öðru skyldu sviði.
Sjálfstæð vinnubrögð og geta til að vinna í teymi.
Góð færni í ritaðri og talaðri ensku.

Ráðning í starfið er háð því að umsækjandi sæki formlega um að hefja doktorsnám við Háskóla Íslands í viðeigandi deild og að umsóknin sé samþykkt af deildinni.

Umsóknarferli

Æskilegt er að umsækjandi geti hafið störf sem fyrst.

Umsókn skal skrifuð á ensku og skal innihalda: i) Kynningarbréf þar sem áhuga á starfinu er lýst, ii) Ferilskrá, iii) Afrit af prófskírteinum (BSc og MSc) ásamt einkunnadreifingu, iv) Upplýsingar um tvo umsagnaraðila og hvernig má hafa samband við þá.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans. http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umsóknarfrestur

Umsóknarfrestur er til og með 31.05.2024

Nánari upplýsingar veitir

Haseeb Randhawa

hrandhawa@hi.is

5254425

Sækja um

Aðjúnkt í félagsfræði

Laust er til umsóknar 50% starf aðjúnkts II við námsbraut í félagsfræði við Félagsfræði-, mannfræði- og þjóðfræðideild Háskóla Íslands.

Nánari upplýsingar

Starfssvið

Að kenna skyldunámskeið í fjölmiðlafræði og tengd námskeið í félagsfræði
Að leiðbeina grunn- og framhaldsnemum í fjölmiðlafræði og félagsfræði
Að taka þátt í þróun náms á sviði fjölmiðlafræði
Að efla samtal við samfélagið í gegnum rannsóknir eða með öðrum hætti

Hæfniskröfur

Doktorspróf í félagsfræði, fjölmiðlafræði eða skyldum greinum
Reynsla af kennslu á háskólastigi og hæfni til að miðla þekkingu
Æskilegt er að umsækjandi hafi birt fræðigreinar á sviðinu fjölmiðlafræði og/eða félagsfræði
Frumkvæði, áræðni og sjálfstæð vinnubrögð
Góð hæfni í mannlegum samskiptum

Umsóknarferli

Eftirfarandi gögn skulu fylgja umsókn:

Kynningarbréf þar sem m.a. kemur fram hvernig umsækjandi uppfyllir hæfnikröfur
Ferilskrá með upplýsingum um meðmælendur
Prófskírteini eða eftir atvikum vottorð um námsferil

Við ráðningu verður miðað við að sá er starfið hlýtur falli sem best að aðstæðum og þörfum námsbrautarinnar.

Ráðið verður í starfið tímabundið til tveggja ára.

Öllum umsóknum verður svarað þegar ákvörðun um ráðningu liggur fyrir. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Á Félagsvísindasviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður víð íslenskt samfélag og alþjóðlega fræðasamfélagið.

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, sameiginlega stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum.

Umsóknarfrestur

Umsóknarfrestur er til og með 03.06.2024

Nánari upplýsingar veitir

Thamar Melanie Heijstra

thamar@hi.is

Sækja um

Doktorsnemi við Umhverfis- og byggingarverkfræðideild

Umhverfis- og byggingarverkfræðideild leitar eftir umsækjenda í starf doktorsnema til tveggja ára vegna verkefnisins Carbon Sink Cities (CSC).

Nánari upplýsingar

Starfssvið

Rannsóknareining: CSC býður upp á frábært tækifæri til að skrifa ritgerð á meðan unnið er með mikilvæg þemu sem meðlimur í hvetjandi rannsóknarteymi. Auk ritgerðarinnar fær doktorsneminn að framleiða nýjar vísindalegar vísbendingar um málefni sem hafa mikla samfélagslegu þýðingu. Rannsóknarhópurinn inniheldur 5 aðra doktorsnema og ~10 vísindamenn í heildina með áherslu á mismunandi þætti sjálfbærnis í byggðu umhverfi.

Bakgrunnur verkefnis: Eins og staðan er núna, er hið byggða umhverfi mikil uppspretta losunar, en það þarf að breytast hratt í stóran kolefnisvask og geymslu. Sem stendur notar byggingariðnaðurinn nánast einungis tilbúið efni með háan losunarstyrk: steypu, stál, malbik, gler, ál og svo framvegis. Í helstu áætlunum um að halda hlýnun undir 1,5 gráðu er eini kosturinn að ná núll losun, og það er ólíklegt að það gerist ef engar djúpar og skjótar umbreytingar verða í byggða umhverfinu. Að breyta hinu byggða umhverfi úr uppsprettu í geymslu er raunhæfur möguleiki, en krefst mikillar breytingar á hugmyndafræði. Byggt umhverfi ætti á aðeins 10-20 árum að verða fyrst kolefnishlutlaust og síðan mikil kolefnisgeymsla með því að rækta byggingarefnin og geyma síðan kolefnið í byggðu umhverfi.

Verkefnið getur bæði tekið tækni- og efnamiðaða stefnu, en einnig skoðað breiðara samhengi á hvernig byggða umhverfið er þróað og notað, allt eftir áhuga og bakgrunni doktorsnemans, og því er fjölbreytt úrval af bakgrunni við hæfi.

Hæfniskröfur

MSc gráða í arkitektúr, verkfræði, hagfræði, vist- eða umhverfisfræði, skipulagsfræði eða frá öðrum skyldum sviðum.
Þekking á umhverfismati er kostur.
Færni í tölfræði og stærðfræðilegri líkanagerð er kostur.
Sjálfstæð vinnubrögð og geta til að vinna í teymi.
Góð færni í ritaðri og talaðri ensku.

Ráðning í starfið er háð því að umsækjandi sæki formlega um að hefja doktorsnám við Háskóla Íslands í viðeigandi deild og að umsóknin sé samþykkt af deildinni.

Umsóknarferli

Gert er ráð fyrir að umsækjandi geti hafið störf 1. ágúst 2024 eða samkvæmt samkomulagi. Núverandi fjármögnun verkefnisins nær yfir fyrstu tvö árin en þá verður sótt um auka fjárveitingu fyrir þriðja árið.

Þar sem að rannsóknarhópurinn er fjölþjóðlegur skal umsóknin skrifuð á ensku og skal innihalda: i) Kynningarbréf þar sem áhuga á starfinu er lýst, ii) Ferilskrá, iii) Afrit af prófskírteinum (BSc og MSc) ásamt einkunnadreifingu, iv) Upplýsingar um tvo umsagnaraðilaog hvernig má hafa samband við þá.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: http://www.hi.is/haskolinn/malstefna_haskola_islands

Umsóknarfrestur

Umsóknarfrestur er til og með 21.06.2024

Nánari upplýsingar veitir

Jukka Taneli Heinonen

heinonen@hi.is

8230064

Sækja um

Verkefnisstjóri hönnunar og undirbúnings framkvæmda

Laust er til umsóknar fullt starf verkefnastjóra hönnunar og undirbúnings framkvæmda við Framkvæmda- og tæknisvið Háskóla Íslands. Á skrifstofu sviðsins starfa auk sviðsstjóra verkefnisstjórar ýmissa verkefna sem viðkoma rekstri og viðhaldi fasteigna. Sviðið skiptist í þrjár deildir:Bygginga- og tæknideild: fagfólk í smíði, rafvirkjun, málaraiðn og garðyrkju.Rekstur fasteigna: almennur rekstur fasteigna, þar á meðal leigumál, íþróttahús og ræstingar.Umsjón fasteigna: umsjónarmenn sem sinna þjónustu við notendur fasteigna.

Nánari upplýsingar

Starfssvið

Skipuleggja viðhalds- og framkvæmdaverkefni í byggingum HÍ
Gerð verklýsinga og útboðsgagna, úrvinnsla tilboða og samningar við verktaka
Vinna með starfsfólki og hönnuðum að skipulagi húsnæðis
Sjá um innkaup á húsgögnum og forgangsröðun viðhaldsverkefna
Sjá til þess að verkefni séu unnin af fagmennsku og að samskipti við starfsfólk HÍ og aðra séu til fyrirmyndar

Hæfniskröfur

Menntun sem nýtist í starfi, t.d. á sviði arkitektúr, verkfræði, tæknifræði eða byggingafræði
Iðnmenntun er kostur
Reynsla af undirbúningi og skipulagi viðhaldsverkefna og endurnýjunar á húsnæði
Reynsla af stjórnunarstörfum er kostur
Leiðtogahæfni, frumkvæði, metnaður og sjálfstæði í vinnubrögðum
Góð samskiptahæfni og þjónustulund
Góð kunnátta í íslensku og ensku

Umsóknarferli

Æskilegt er að umsækjandi geti hafið störf sem fyrst. Umsækjendur skulu láta eftirfarandi gögn fylgja umsókn sinni:

Ferilskrá
Kynningarbréf
Vottorð um námsferil

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla.

Umsóknarfrestur

Umsóknarfrestur er til og með 11.06.2024

Nánari upplýsingar veitir

Kristinn Jóhannesson

kjohannesson@hi.is

5255288

Sækja um

Verkefnisstjóri í sköpun og sjálfbærni við Háskóla Íslands með starfsstöð í Hallormsstaðaskóla veturinn 2024-2025

Laust er til umsóknar starf verkefnisstjóra við kennslu og mótun háskólanáms í skapandi sjálfbærni í Hallormsstaðaskóla í samstarfi við Menntavísindasvið Háskóla Íslands. Viðfangsefni verkefnisstjórans verða yfirfærsla námsins á háskólastig og mótun framtíðarnáms frá upphafi skólaársins 2025-2026 auk kennslu í skapandi sjálfbærni. Ráðið er í starfið til eins árs. Þverfræðilegt nám í skapandi sjálfbærni byggist á að tengja saman fræði og framkvæmd, kanna nýtingarmöguleika auðlinda og þróa og beita lausnum á sjálfbæran og skapandi hátt. Námið tekur á áskorunum framtíðar sem krefjast nýrrar hugsunar, virkrar hlustunar, skapandi lausna og greinandi nálgunar. Markmið námsins er að styðja við umbætur í átt að sjálfbærni, efla þekkingu og skilning á efnivið, lífríki, samfélagi og menningu.Hallormsstaðaskóli er staðsettur í hjarta Hallormsstaðaskógar á Austurlandi um 27 km frá Egilsstöðum. Skólinn var stofnaður árið 1930 og býður upp á einstakt námsumhverfi þar sem menningararfur, skapandi sjálfbærniþekking og hefðbundið handverk fyrri kynslóða er skoðað í nýju ljósi og tengt við nýja tækni, vísindalega þekkingu og hugmyndafræðilegar áherslur samtímans. Á þeim grunni er boðið upp á sérhæft og verklegt staðbundið nám á sviði sjálfbærni, hönnunar, umhverfis- og loftlagsbreytinga, matvælagerðar og fleiri greina samofið næmni fyrir samtíma, samfélagi, menningu og sögu.Starfsstöð er í Hallormsstaðaskóla. Möguleikar eru á leiguhúsnæði í nágrenni skólans.

Nánari upplýsingar

Starfssvið

Leiða þróun og mótun námsins á háskólastigi í samstarfi við fagstjórn námsins, stjórnendur og starfsfólk Hallormsstaðaskóla og stjórnsýslu og starfsfólk Menntavísindasviðs.
Kennsla, leiðsögn og námsmat í námi í skapandi sjálfbærni við Hallormsstaðaskóla.
Kynning á háskólanámi í skapandi sjálfbærni við Hallormsstaðaskóla í samstarfi við Háskóla Íslands.
Þátttaka í stjórnun eftir eðli verkefna.

Hæfniskröfur

Meistarapróf á sviði sköpunar og sjálfbærni eða náms- og fagsviðum sem falla að áherslum starfsins.
Reynsla af kennslu.
Reynsla af háskólakennslu er kostur.
Reynsla af nýsköpun og þróunarstarfi er kostur.
Þekking og/eða reynsla af þróun kennsluhátta er kostur.

Umsóknarferli

Eftirfarandi gögn skulu fylgja umsókn:

Ferilskrá
Staðfest afrit af prófskírteinum
Upplýsingar um umsagnaraðila
Greinagerð þar sem áhuga fyrir starfinu er lýst og fjallað um hvað umsækjandi getur lagt af mörkum til þess

Æskilegt er að viðkomandi geti hafið störf eigi síðar en 1. ágúst 2024

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf í Háskóla Íslands er tekið mið af jafnréttisáætlun skólans.
Vakin er athygli á málstefnu Háskóla Íslands.

Á Menntavísindasviði fer fram rannsóknartengt starfsnám fyrir kennara á leik-, grunn- og framhalds- og háskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.

Nánari upplýsingar um námið og aðstöðuna á Hallormsstað veitir:

Bryndís Fiona Ford skólameistari Hallormsstaðaskóla

bryndis@hskolinn.is / 862 2896

Umsóknarfrestur

Umsóknarfrestur er til og með 10.06.2024

Nánari upplýsingar veitir

Védís Grönvold

vedis@hi.is

Sækja um

Doktorsnemi í rannsóknum í klínískri sálfræði

Starf doktorsnema í rannsóknum á þunglyndi er laust til umsóknar við Sálfræðideild Háskóla Íslands. Um er að ræða starf sem felur í sér krefjandi starfsnám sem samtvinnar grunn- og hagnýtar rannsóknir á sviði klínískrar sálfræði. Tilvalið fyrir þá sem hafa áhuga á rannsóknum í klínískri sálfræði og meðferð þunglyndis. Starfið felur í sér vinnu við rannsóknarverkefni um eðli vanabundinnar svörunar í yfirstandandi þunglyndi og áhrif meðferðarinngrips (atferlisvirkjunar, behavioural activation) á hana. Verkefninu stjórnar dr. Ragnar P. Ólafsson, prófessor við Sálfræðideild HÍ, í samstarfi við dr. Ívari Snorrason, sálfræðing og lektor, Massachusetts General Hospital/Harvard Medical School í Bandaríkjunum, dr. Igor Marchetti, dósent í klínískri sálfræði við háskólann í Trieste á Ítalíu og dr. Kristján Helgi Hjartarson, sálfræðing. Með rannsóknarhópnum starfar einnig dr. Christopher Martell, stjórnandi sálfræðiþjónustu háskólans í Massachusetts í Bandaríkjunum, og er einn af höfundum atferlisvirkjunar sem sjálfstæðs meðferðarinngrips við þunglyndi, en hann mun annast handleiðslu og þjálfun þeirra sem koma að meðferð í verkefninu. Verkefnið er styrkt til þriggja ára af Rannsóknasjóði Rannís (rannis.is).

Nánari upplýsingar

Starfssvið

Doktorsneminn mun, í samvinnu við stjórnendur og aðra doktors- og meistaranema, sem að verkefninu koma, vinna að rannsóknum þar sem blandað er saman þversniðs og langsniðs rannsóknaraðferðum. Mismunandi mælingar verða bornar saman og fylgst með breytingum í einkennum og næmisþáttum fyrir þunglyndi í kjölfar atferlisvirkjunar, sem hefur reynst árangursrík meðferð við þunglyndi í fyrri rannsóknum. Doktorsnemi mun taka þátt í að skipuleggja rannsóknir, hafa umsjón með gagnasöfnun, úrvinnslu gagna, annast greinaskrif og daglegan rekstur rannsóknarverkefnisins, ásamt því að koma að veitingu meðferðar og handleiða meðferðaraðila.

Hæfniskröfur

Meistaranám í sálfræði, æskilegt er að um sé að ræða meistarapróf í klínískri sálfræði.
Góð grunnþekking á aðferðafræði og tölfræði ásamt rannsóknarreynslu.
Góð þekking á geðröskunum og meðferð þeirra.
Góð færni í ensku í rituðu og töluðu máli.
Starfsréttindi sálfræðings eru kostur.
Góðir samskipta- og skipulagshæfileikar ásamt getu til að vinna sjálfstætt.

Umsóknarferli

Umsókninni um starfið skal fylgja stutt kynningarbréf (allt að 500 orð) þar sem fram kemur hvað vekur áhuga umsækjanda á verkefninu og hvernig hann telur reynslu sína og menntun nýtast í því. Bréfið skal innihalda upplýsingar um tvo aðila sem veitt geta meðmæli með umsækjanda ásamt upplýsingum um hvernig má hafa samband við þá. Til viðbótar skal fylgja ferilskrá og afrit af prófskírteinum (grunnnám og meistaranám). Ráðning er háð því að nemandinn sæki formlega um doktorsnám við deildina og verði samþykktur inn í það, stundi hann ekki doktorsnám nú þegar.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið Háskóla Íslands er í fararbroddi á sviði heilbrigðismála á Íslandi og gegnir lykilhlutverki í uppbyggingu íslenska heilbrigðiskerfisins með menntun heilbrigðisstarfsmanna. Helstu sérfræðingar þjóðarinnar í heilbrigðisvísindum koma að kennslu og rannsóknum á sviðinu.

Umsóknarfrestur

Umsóknarfrestur er til og með 11.06.2024

Nánari upplýsingar veitir

Ragnar Pétur Ólafsson

ragnarpo@hi.is

Sækja um

Verkefnisstjóri á vísinda- og nýsköpunarsviði Háskóla Íslands

Laust til umsóknar fullt starf verkefnisstjóra á vísinda- og nýsköpunarsviði Háskóla Íslands. Vísinda- og nýsköpunarsvið er eitt af sex þjónustu- og stoðsviðum sameiginlegrar stjórnsýslu Háskóla Íslands. Meginmarkmið vísinda- og nýsköpunarsviðs er að efla rannsóknir við Háskóla Íslands með almennum stuðningi við rannsóknir, nýsköpun, hagnýtingu, erlent samstarf og vísindastarf skólans.

Nánari upplýsingar

Starfssvið

Umsjón með Rannsóknasjóðum Háskóla Íslands og vinna með fagráðum sjóðanna
Vinna með vísindanefnd háskólaráðs
Veita ráðgjöf og halda kynningar um opin vísindi
Skráningar, upplýsingaöflun og skýrslugerð í tengslum við rafræn upplýsingakerfi HÍ (m.a. PURE og SciVal)
Önnur tilfallandi verkefni innan sviðsins

Hæfniskröfur

Háskólapróf sem nýtist starfi, framhaldsmenntun æskileg
Þekking á bókfræðilegum upplýsingum (bibliometrics) og opnum vísindum er kostur
Gott vald á upplýsingatækni og hæfni til að tileinka sér nýjungar á því sviði
Góð íslensku- og enskukunnátta í ræðu og riti
Skipulagshæfni, nákvæmni og sjálfstæð vinnubrögð
Lipurð í mannlegum samskiptum og þjónustulund

Umsóknarferli

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Umsóknarfrestur

Umsóknarfrestur er til og með 10.06.2024

Nánari upplýsingar veitir

Baldvin M. Zarioh

bmz@hi.is

5255245

Sækja um

Verkefnisstjóri erlendra rannsóknastyrkja á styrkjaskrifstofu, Vísinda- og nýsköpunarsviðs Háskóla Íslands

Laust til umsóknar fullt starf verkefnisstjóra erlendra rannsóknastyrkja í nýju teymi verkefnaþjónustu á styrkjaskrifstofu Vísinda- og nýsköpunarsviðs Háskóla Íslands. Vísinda- og nýsköpunarsvið er eitt af sex þjónustu- og stoðsviðum sameiginlegrar stjórnsýslu Háskóla Íslands. Meginmarkmið vísinda- og nýsköpunarsviðs er að efla rannsóknir við Háskóla Íslands með almennum stuðningi við rannsóknir, nýsköpun, hagnýtingu, erlent samstarf og vísindastarf skólans.Hlutverk verkefnaþjónustu er að aðstoða rannsakendur við verkefnastjórn, utanumhald og uppgjör alþjóðlegra rannsóknarverkefna.

Nánari upplýsingar

Starfssvið

Umsjón og eftirlit með framgangi alþjóðlegra rannsóknarverkefna og/eða verkefnasafna Háskóla Íslands.
Fjárhagslegt uppgjör verkefna og yfirsýn yfir rekstrarstöðu verkefna (tímaskýrslur, samanburður á raunkostnaði og áætlun, skjölun gagna ofl.).
Samskipti við þátttakendur í rannsóknaverkefnum, m.a. undirbúningur funda.
Reglulegar samantektir einstakra verkefna og verkefnasafna.
Aðstoð við gerð fjárhagsáætlana vegna umsókna um rannsóknarstyrki.
Þátttaka í nefndum og/eða teymisvinnu tengdum styrkjaumhverfi.

Hæfniskröfur

Háskólapróf sem nýtist starfi, framhaldsmenntun æskileg
Gott vald á upplýsingatækni og hæfni til að tileinka sér nýjungar á því sviði, þ.á.m. góð færni í excel
Þekking á helstu rannsóknarsjóðum (H2020, Horizon Europe, Erasmus+, COST, Nordforsk, NIH, etc.) og/eða reynsla af verkefnastjórn rannsóknaverkefna er kostur
Reynsla af fjárhagsupplýsingakerfum er kostur
Góð íslensku- og enskukunnátta í ræðu og riti
Skipulagshæfni, nákvæmni og sjálfstæð vinnubrögð.
Lipurð í mannlegum samskiptum og þjónustulund.

Umsóknarferli

Æskilegt er að viðkomandi geti hafið störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Umsóknarfrestur

Umsóknarfrestur er til og með 10.06.2024

Nánari upplýsingar veitir

Svandís Helga Halldórsdóttir

svandish@hi.is

5254227

Sækja um

Húsasmiður við bygginga- og tæknideild

Á bygginga- og tæknideild við framkvæmda- og tæknisvið Háskóla Íslands er laust til umsóknar fullt starf smiðs. Bygginga- og tæknideild hefur umsjón með endurbótum og viðhaldi bygginga Háskóla Íslands. Hjá deildinni starfar fagfólk í fullu starfi í ýmsum faggreinum s.s. smíði, rafvirkjun, málaraiðn og garðyrkju. Næsti yfirmaður húsasmiðs er deildarstjóri bygginga- og tæknideildar.

Nánari upplýsingar

Starfssvið

Viðhald og viðgerðir bæði innan- og utanhúss
Nýsmíði og endurnýjun
Önnur tímabundin eða árstíðabundin störf í tengslum við starfssviðið

Hæfniskröfur

Sveinspróf í húsasmíði eða húsgagnasmíði, meistarapróf í iðninni er kostur
Reynsla af innan- og utanhúss viðgerðum
Reynsla af notkun AutoCad teikniforrits er kostur
Góð samstarfs- og samskiptahæfni

Umsóknarferli

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Umsóknarfrestur

Umsóknarfrestur er til og með 10.06.2024

Nánari upplýsingar veitir

Kristinn Kristinsson

kiddik@hi.is